ករណីអគ្គិភ័យឆេះរថយន្តមួយគ្រឿងទៀតហើយម៉ាក Range Rover កាលពីយប់មិញ នៅក្រុងព្រះសីហនុ

ខេត្តព្រះសីហនុ៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ បានឱ្យដឹងថា នៅយប់ថ្ងៃទី២៤ ខែឧសភា ឆ្នាំ២០២៣ វេលាម៉ោង ០១៖៣០ នាទី យប់រំលងអធ្រាត្រ មានករណីអគ្គិភ័យឆេះរថយន្តមួយគ្រឿងម៉ាក់ Range Rover ពណ៌ ស ស្លាកលេខ កម្ពុជា FCAI 1668 ដែលកើតឡើងស្ថិតក្នុងចំនុច ក្រុម១ ភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ ដែលមានម្ចាស់រថយន្តឈ្មោះ ទាវ គឹមភាវ ។

+ មូលហេតុ បណ្ដាលមកពីធ្លាយធុងប្រេងរថយន្តបង្កជាអគ្គិភ័យធ្វើឲ្យឆាបឆេះរថយន្តតែម្តង។
+ ការខូចខាតរួមមានឆេះរថយន្ត ០១ គ្រឿង អស់ទាំងស្រុង។
+ កងកម្លាំងនគរបាលបង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០១ គ្រឿង រថយន្តរបស់ស្នងការដ្ឋាននគរបាលខេត្តព្រះសីហនុបានប្រើប្រាស់ទឹកអស់ចំនួន ០១រថយន្ត។
+ រថយន្តពន្លត់កងរាជអាវុធហត្ថខេត្តចំនួន ០១ គ្រឿង បានប្រើប្រាស់ទឹកអស់ ០១ រថយន្ត។
+ រថយន្តពន្លត់អគ្គិភ័យកងរាជអាវុធក្រុងចំនួន ០១ គ្រឿង មិនបានប្រើប្រាស់ទឹក។
+ ករណីខាងលើនេះបានពន្លត់រលត់ទាំងស្រុងនៅវេលាម៉ោង ០២៖០០ នាទីទៀបភ្លឺ ថ្ងៃ ខែ ឆ្នាំដដែល៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ