រាជធានីភ្នំពេញ៖ នៅថ្ងៃទី២៤ ខែឧសភា ឆ្នាំ២០២៣ យោងតាមប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអង្វរករឱ្យយកចិត្តទុកដាក់ការឆ្លាក់រូប ព្រះពុទ្ធ រូបបដិមា។ សម្តេចតេជោ ថ្លែងបែបនេះ ក្នុងពិធីសម្ពោធទីតាំងថ្មី នៃសាកលវិទ្យាល័យភូមិន្ទវិចិត្រសិល្បៈ និងពិធីប្រគល់សញ្ញាបត្រជូនដល់និស្សិត នៃសាកលវិទ្យាល័យភូមិន្ទវិចិត្រសិល្បៈ ។

សម្តេចតេជោ ហ៊ុន សែន បានមានប្រសាសន៍ថា៖ « បញ្ហាដែលត្រូវប្រុងប្រយ័ត្នកន្លែងនេះ ខ្ញុំសូមអង្វរករ ធ្វើម៉េចការចាក់រូបបដិមា (និយាយមួយបែប គឺការចាក់ព្រះពុទ្ធ) ឱ្យត្រូវតាមខ្នាត។ មានវិហារមួយ ដែលខ្ញុំបានចំណាយលុយអស់មិនចេះតិចទេ ស្រាប់តែចាក់ព្រះមុខក្រញូវ នេះមកពីពុម្ពចាក់មិនត្រូវ ហើយត្រូវប្រុងប្រយ័ត្នតែកាលណាយើងដាក់ឱ្យប្រើប្រាស់ហើយ ធ្វើអភិសេកហើយ គឺគ្មាននរណាទៅវៃចោលនោះទេ។ អ៊ីចឹងទេ ៥០ឆ្នាំ ទៅ ១០០ឆ្នាំទៀត ក្មេងៗជំនាន់ក្រោយ មើលមិនស្គាល់រូបព្រះពុទ្ធបដិមា ព្រោះបានក្លាយអស់ទៅហើយ » ​៕ ទស្សនាវីដេអូខាងក្រោម៖