រាជធានីភ្នំពេញ៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ
បានឱ្យដឹងថា នៅវេលាម៉ោង ០៩៖២០ នាទីព្រឹកថ្ងៃពុធ ៥កើតខែជេស្ឋ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៤ ខែឧសភា ឆ្នាំ២០២៣ មានករណីអគ្គិភ័យមួយកន្លែង បានកើតឡើងនៅចំណុចផ្ទះវីឡា ផ្លូវបេតុង ភូមិកាកាប សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ម្ចាស់ទីតាំងឈ្មោះ សុខ សារ៉ាន ភេទប្រុស អាយុ ៤១ ឆ្នាំ មុខរបរ អ្នកគ្រប់គ្រងទូទៅ។

+ មូលហេតុ បណ្តាលមកពីផ្សារដែកធ្លាក់កម្ទេចធូបផ្សារបង្កជាអគ្គិភ័យតែម្តង ។
+ ប្រភេទសំណង់៖ ថ្មីបេតុង ទំហំ ២៥ម៉ែត្រ X ៣០ម៉ែត្រ ។
+ ខូចខាតសម្ភារ៖ ឆេះបន្ទប់ជាន់ទី៣ ចំនួន ០២ បន្ទប់ ទំហំ ០៨ម៉ែត្រ x ០៨ម៉ែត្រ និងពុំបានឆេះរាលដាលដល់អ្នកក្បែរខាងឡើយ ។
– ស្លាប់មនុស្ស : គ្មាន ។
– របួសមនុស្ស: គ្មាន ។

+ កងកម្លាំងបង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តរបស់ការិយាល័យអគ្គិភ័យចំនួន ១៤ គ្រឿង ប្រើប្រាស់ទឹកអស់ចំនួន ១៤រថយន្ត ស្មើរនឹង ៥៦ ម៉ែត្រគូប ។

+ រថយន្តជំនួយ៖
– រថយន្តកងពលតូចលេខ៧០ ចំនួន ០៣ គ្រឿង ប្រើប្រាស់ទឹកអស់ចំនួន ០២ រថយន្ត ស្មើនឹង ០៨ ម៉ែត្រគូប ។
– រថយន្តក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើនឹង ០៦ ម៉ែត្រគូប ។
– ពន្លត់ចប់ នៅវេលាម៉ោង ១០៖២០ នាទីព្រឹក នាថ្ងៃខែ ឆ្នាំដដែល ៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ