សប្បាយកប់តែម្តង Couple Run រដូវកាលទី៤ ថែមជាមួយតន្រ្តី EDM ដ៏កក្រើក

កាលពីថ្ងៃទី ០៨ ខែមិនា ដែលជាថ្ងៃទិវាសិទ្ធនារីកន្លងទៅនេះ ក្រុមហ៊ុន Watch Empire បានរៀបចំការរត់ដ៏ធំប្រចាំឆ្នាំ Couple Run រដូវកាលទី 4 នៅផ្សារទំនើប Aeon Sensok។

លោក សួង ស៊ីម អគ្គនាយកក្រុមហ៊ុន Watch Empire បានមានប្រសាសន៍នៅក្នុងនោះថា “ការបង្កើតកម្មវិធី Couple Run នេះឡើងគឺដើម្បីចូលរួមការងារសង្គម ដែលនៅក្នុងឆ្នាំនេះប្រធានបទធំក្នុងការរត់ជាគូនេះ គឺ ស្រ្តី និងកុមារ ហើយពិសេសលើសពីនេះថែមទៀតនោះថវិកា ៤០០០ រៀលពីការលក់សបុត្រនឹងត្រូវបានបរិចា្ចកទៅមន្ទីរពេទ្យគន្ធបុប្ផាថែមទៀតផង។”

លោកបានបន្តទៀតថា” ការរត់ជាគូនេះការបង្កើននូវសាមគ្គីភាពរបស់អ្នកចូលរួមរត់ជាគូផងដែរ ដោយមានការចងដៃគ្នារត់ប្រណាំងប្រជែងគ្នាអោយគ្រប់គ្នាបានយល់ពីការសាមគ្គីភាពផងដែរ”។

គួរបញ្ជាក់ផងដែរថា កាលពីរាត្រីថ្ងៃ ០៨ ម្សិលមិញនេះកម្មវិធីរត់ដ៏ធំប្រចាំឆ្នាំនេះបានដំណើរការយ៉ាងរលូនជាមួយនឹងការចូលរួមយ៉ាងច្រើនកុះករពីសំណាក់យុវវ័យ ហើយថវិកាពីការលក់សំបុត្រមួយចំនួនធំនឹងយកទៅឧបត្ថមមន្ទីរពេទ្យគន្ធបុប្ផាថែមទៀតផង។