ទីក្រុងរណបថ្មី របស់កម្ពុជា ស្អាតដល់ថ្នាក់ហ្នឹងផង ?

បន្ទាប់ពីក្រុមហ៊ុន A-Seven ដែលជាក្រុមហ៊ុន ស្ថាបត្យករល្បីឈ្មោះមួយក្នុងប្រទេសថៃ បានធ្វើការបង្ហោះចេញនូវរូបរាងទីក្រុងរណប Ay-City ដែលគេបង្ហើបថាជាទីក្រុងរណបថ្មីមួយរបស់កម្ពុជា ស្រាប់តែថ្មីៗនេះក្រុមហ៊ុន A-Seven ដដែលនេះបានបង្ហោះរូបថត២សន្លឹកទៀត ដែលបង្ហាញអោយឃើញកាន់តែច្បាស់នូវ រូបរាង ការរចនា យ៉ាងល្អគួរជាទីគយគន់ និងចង់រស់នៅបំផុត នៅក្នុងទីក្រុងដ៏ទំនើបមួយនេះ។

រូបថត២សន្លឹកដែលបង្ហាញពី អាងទឹក និង ច្រកចូលធំនៃទីក្រុងរណប Ay-City បានធ្វើអោយគេមានការចាប់អារម្មណ៍យ៉ាងខ្លាំង និងចង់អោយមានការបង្ហាញកាន់តែច្បាស់ជាងនេះទៅទៀត ទាក់ទងនឹងគម្រោងទីក្រុងរណបថ្មីមួយនេះ។ គួរបញ្ជាក់ផងដែរថាខណៈពេលដែលសេដ្ឋកិច្ចរបស់ប្រទេសកម្ពុជាកំពុងមានការរីកចំរើន ហើយវិស័យអចលនទ្រព្យក៏កាន់តែមានសន្ទុះខ្លាំង ធ្វើអោយប្រជាជនខ្មែរ នាំគ្នាសម្រុកទិញដី ទិញផ្ទះ ទុកស្នាក់អាស្រ័យ ហើយអ្នកខ្លះទៀតនាំគ្នាទិញដើម្បីទុកចំណេញនៅថ្ងៃក្រោយ ទើបធ្វើអោយរូបភាពនៃទីក្រុងរណបថ្មីនេះ មានការចាប់អារម្មណ៍ខ្លាំងបែបនេះ៕