សម្រាប់ដំណើរកំសាន្ត អាចនាំមកឲ្យយើងទាំងអស់គ្នាវិញនូវភាពសប្បាយរីករាយ រឺការឈឺចាប់ផងដែរ ពោលគឺប្រសិនបើមិនមានបញ្ហា អ្នកនឹងសប្បាយចិត្ត តែផ្ទុយទៅវិញ ប្រសិនបើដើរបានពាក់កណ្ដាលផ្លូវ ស្រាប់តែមានបញ្ហានានាកើតឡើងដូចជាបាត់ឥវ៉ាន់ជាដើម នោះអ្នកនឹងអស់សប្បាយហើយ។

ស្របពេលជាមួយនឹងបច្ចេកវិទ្យាត្រូវបានអភិវឌ្ឍន៍ទាំងរចនាបទ និងលក្ខណៈពិសេស យើងសង្កេតឃើញថាវ៉ាលីហាក់ដូចជាមិនត្រូវបានអភិវឌ្ឍន៍ដូចគេទេ។ ចំពោះប្រជាជនដែលរស់នៅបរទេស គេមិនប្រើវ៉ាលីធម្មតាដូចយើងឡើង ពោលគឺគេប្រើ Smart Suitcase ដែលមានភ្ជាប់មកជាមួយនឹងមុខងារ GPS និងកម្មវិធីភ្ជាប់ទៅនឹងស្មាតហ្វូនដើម្បីតាមដានវ៉ាលីឥវ៉ាន់របស់ពួកគេ និងការពារពេលបាត់ផង។

គួរបញ្ជាក់ផងដែរថា រហូតមកដល់បច្ចុប្បន្ន ក្រុមហ៊ុន Bluesmart បានធ្វើការអភិវឌ្ឍផលិតផល Smart Suitcase នេះ ឲ្យកាន់តែមានសមត្ថភាពខ្លាំង និងមានសុវត្ថិភាពជាងមុនផងដែរ។ ទាក់ទងទៅនឹងការអភិវឌ្ឍលើមុខងារនេះ គឺផ្ដោតទៅលើកម្មវិធីដែលដំណើរការលើប្រព័ន្ធ iOS និង Android ហើយអ្នកអាចគ្រប់គ្រងលើសោរដែលចាក់ការពារលើវ៉ាលីបាន។ មិនតែប៉ុណ្ណោះ សោរចាក់វ៉ាលីនឹងត្រូវបានដោះដោយស្វ័យប្រវត្តិប្រសិនបើអ្នកយកវ៉ាលីនោះមកជិតខ្លួន ពោលគឺដូច Smart Key របស់រថយន្ដទំនើបអញ្ចឹង។ ក្រៅពីនេះ Smart Suitcase ក៏មានបង្ហាញពីទម្ងន់ឥវ៉ាន់ ដែលអ្នកផ្ទុកនៅក្នុងវ៉ាលីដែរ ព្រោះវាមានភ្ជាប់មកជាមួយនឹងជញ្ជីងស្រាប់ ដូចនេះ អ្នកមិនចាំបាច់ខ្វល់ខ្វាលរឿងលើសទម្ងន់ទៀតទេ រាល់ពេលឡើងយន្ដហោះម្ដងៗ។

អ្វីដែលអស្ចារ្យបំផុតនោះគឺ វ៉ាលីដ៏ឆ្លាតវ័យនេះ ក៏មានភ្ជាប់មកជាមួយនឹងថាមពលថ្មទំហំ 10,000mAh និងរន្ធ USB 2 ផងដែរ។ ដូចនេះ អ្នកមិនចាំបាច់យក Power Bank តាមខ្លួនទៀតទេ ព្រោះទំហំថ្មប៉ុណ្ណេះ អ្នកអាចសាកបានរហូតដល់ 5ដងឯណោះ។ លើសពីនេះទៅទៀត Smart Suitcase ក៏មានភ្ជាប់មកជាមួយនឹងមុខងារ Bluetooth ផងដែរ។

ចុចទីនេះដើម្បីទិញ

Fu

ប្រភព៖ digitaltrends