អគ្គិភ័យឆាបឆេះឃ្លាំងផ្ញើម៉ូតូនិងរថយន្តមួយកន្លែង បណ្ដាលឱ្យខូចខាតរថយន្ត និងម៉ូតូជាច្រើនគ្រឿង

(រាជធានីភ្នំពេញ)៖ នៅព្រឹកថ្ងទី ១០ ខែកុម្ភៈ ឆ្នាំ ២០២៥ នេះ នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ បានឱ្យដឹងថា នៅវេលាម៉ោង ២៣:៤០នាទីយប់រំលងអធ្រាត្រ ថ្ងៃទី០៩ ខែកុម្ភៈ ឆ្នាំ២០២៥ មានករណីអគ្គិភ័យមួយបានកើតឡើងស្ថិត នៅចំណុចឃ្លាំងមួយកន្លែង ភូមិទួលពង្រ សង្កាត់ចោមចៅទី១ ខណ្ឌ ពោធិ៍សែនជ័យ រាជធានីភ្នំពេញ ម្ចាស់ទីតាំងឈ្មោះ សេក ឌី ភេទប្រុស អាយុ៣៩ឆ្នាំ ជនជាតិខ្មែរ មុខរបរអាជីវករ។ ចំពោះមូលហេតុបណ្តាលមកពីឆ្លងចរន្តអគ្គិសនី និងគ្មានអ្នកស្លាប់ ឬរបួសឡើយ។

ចំពោះសម្ភារៈដែលខូចខាតមានដូចជា៖

– ប្រភេទសំណង់: រោងផ្ញើរថយន្តទំហំ ៤x១៦ ម៉ែត្រ ។

១- រថយន្តចំនួន០១គ្រឿង ម៉ាក Toyota Tacoma ពណ៍ ស ពាក់ស្លាកលេខ ភ្នំពេញ 2AS-0487។

២- ម៉ូតូកង់បី (Pass App) ចំនួន ០១គ្រឿង ពណ៍ ស ពាក់ស្លាកលេខ ភ្នំពេញ 1GR-8344។

៣- ម៉ូតូ០១គ្រឿង ម៉ាក HONDA DREAM C125 ពណ៍ ខ្មៅ សេរីឆ្នាំ២០១៤ ពាក់ស្លាកលេខ ភ្នំពេញ 1AG-8185។

៤- ម៉ូតូ០១គ្រឿង ម៉ាក HONDA DREAM C125 ពាក់ស្លាកលេខ កំពត 1L-1154។

៥- ម៉ូតូ០១គ្រឿង ម៉ាក HONDA DREAM C125 ពាក់ស្លាកលេខ ភ្នំពេញ 1KX-9327

៦- ម៉ូតូ០១គ្រឿង ម៉ាក SUZUKI LET ពាក់ស្លាកលេខ កំពង់ធំ 1T-2117

៧- ម៉ូតូ០១គ្រឿង ម៉ាក HONDA WAVE ពណ៍ខ្មៅ គ្មានស្លាកលេខ

៨- ឆេះខូចខាតសម្ភារៈបារ៉ែតអស់មួយចំនួន។

ដោយមានកម្លាំងការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រើប្រាស់រថយន្តអគ្គិភ័យចំនួន ០១គ្រឿង ប្រើប្រាស់ទឹកអស់ចំនួន ០១រថយន្ត ស្មើនឹង ០៤ម៉ែត្រគូប៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យ