លោកជំទាវបណ្ឌិតសភាចារ្យ ភឿង សកុណា ប្រធានក្រុមការងារថ្នាក់ជាតិចុះជួយខេត្តស្វាយរៀង នាំគ្រូពេទ្យមកពីប្រទេសបារាំង ពិនិត្យសុខភាពជូនប្រជាពលរដ្ឋស្រុករមាសហែក

យោងតាមការចុះផ្សាយរបស់ ក្រសួងព័ត៌មាន កាលពីថ្ងៃទី ១៧ ខែកុម្ភៈ ឆ្នាំ ២០២៥ បានឱ្យដឹងថា លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និង​វិចិត្រសិល្បៈ និងជាប្រធានក្រុមការងារ​ថ្នាក់ជាតិ​ចុះជួយខេត្តស្វាយរៀង នៅរសៀលថ្ងៃទី ១៧ ខែកុម្ភៈ ឆ្នាំ ២០២៥ បានអញ្ជើញចូលរួមក្នុង​សកម្មភាពពិនិត្យ​សុខភាពជូន​ប្រជាពលរដ្ឋនៅឃុំក្រសាំង និងឃុំអណ្តូង​ត្របែក ស្រុករមាសហែក ខេត្តស្វាយរៀង។

ក្រសួងវប្បធម៌ និងវិចិត្រសិល្បៈបានឱ្យដឹងនៅរសៀលថ្ងៃទី១៧ ខែកុម្ភៈថា កម្មវិធីនេះ រៀបចំដោយសមាគម​គ្រូពេទ្យ សមាគម​ឱសថការី មកពីប្រទេស​បារាំង សហការជាមួយក្រុមគ្រូពេទ្យនៅស្រុករមាសហែក និងគណៈអភិបាល​ស្រុក​រមាសហែក។ តាមរយៈសកម្មភាពខាងលើក្រុមគ្រូពេទ្យបានពិនិត្យជំងឺជូនប្រជាពលរដ្ឋបានចំនួន៥៥០នាក់។

នៅរសៀលថ្ងៃដដែលតំណាងសមាគមគ្រូពេទ្យ និងសមាគមឱសថការីមកពី​ប្រទេស​បារាំង ក៏បានចូលរួម​ចែកសម្ភារៈ​សិក្សា​ជូនសិស្សានុសិស្សចំនួន ២០០​នាក់ ក្នុងសាលាបឋមសិក្សាក្រសាំងផងដែរ៕

ប្រភពៈ ក្រសួងព័ត៌មាន