ក្រុមហ៊ុន Panasonic Cambodia បានរៀបចំកម្មវិធីប្រកួតផលិតវីឌីអូខ្លី Kid Witness News ឆ្នាំ2025 លំដាប់ថ្នាក់ជាតិបានដោយជោគជ័យ កាលពីថ្ងៃទី១៤​ ខែមីនាកន្លងទៅ ហើយបានរកឃើញជ័យលាភីចំនួន២ក្រុម សម្រាប់ថ្នាក់បឋមសិក្សានិងមធ្យមសិក្សា ដែល​នឹងត្រូវតំណាងអោយ​ប្រទេសកម្ពុជា ទៅប្រកួតជាមួយនឹង​ប្រទេស​ចំនួន១៤ផ្សេងទៀតជុំវិញពិភពលោក។​

នៅឆ្នាំនេះ​មាន​ការចូលរួមពីសិស្សចំនួន12ក្រុម មកពីសាលាល្បីៗចំនួន៣នៅប្រទេសកម្ពុជា គឺសាលាអន្តរជាតិ ប៊ែលធី សាលា Singapore Cambodia International Academy (SCIA) និង សាលាបញ្ញាសាស្រ្តអន្តរជាតិ(PSIS) ដែលបានបង្ហាញភាពច្នៃប្រឌិតរបស់ពួកគេ ដោយការផលិតខ្សែភាពយន្តខ្លីដែលនិយាយអំពីបញ្ហាសកលសំខាន់ៗ ស្របតាមគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ (SDGs)។

កម្មវិធី KWN មានគោលបំណងជួយអោយកុមារ បង្កើនភាពច្នៃប្រឌិត ការសហការជាក្រុម ព្រមទាំងប្រើប្រាស់ការថតវីឌីអូខ្លី​ ដើម្បីបង្ហាញពីខ្លួនឯង អភិវឌ្ឍជំនាញសំខាន់ៗ និងក្លាយជាពលរដ្ឋសកម្ម។

បន្ទាប់ពីធ្វើការវាយតម្លៃយ៉ាងយកចិត្តទុកដាក់យើងបានរកឃើញអ្នកឈ្នះចំនួនពីរក្រុមគឺជ័យលាភី ​គឺ​មក​ពី​សាលា​អន្តរជាតិ​បញ្ញាសាស្ត្រ (PSIS) សម្រាប់ក្រុមបឋមសិក្សា និង​សាលា​អន្តរជាតិ​ប៊ែលធី សម្រាប់ក្រុមមធ្យមសិក្សាដែលនឹងតំណាងអោយប្រទេសកម្ពុជានៅក្នុងកិច្ចប្រជុំកំពូល KWN Global Summit នៅខែតុលា ឆ្នាំ 2025 ដែលពួកគេនឹងចូលរួមជាមួយផលិតករភាពយន្តវ័យក្មេងមកពី 14 ប្រទេសជុំវិញពិភពលោក ដើម្បីប្រកួតប្រជែង និង ចែករំលែកវិឌីអូខ្លីដ៏មានអត្ថន័យរបស់ពួកគេ។

នៅក្នុងកម្មវិធីនេះ លោក Hisakazu Maedaអគ្គនាយកប្រចាំប្រទេសនៃក្រុមហ៊ុន Panasonic Cambodia ជាបានមានប្រសាសន៍ថា “ការប្រកួតប្រជែងថ្នាក់ជាតិក្នុងឆ្នាំនេះគឺជាជំហានដ៏សំខាន់មួយក្នុងការពង្រីកសក្តានុពលកម្មវិធី KWN នៅកម្ពុជា។ វាគឺជាការបំផុសគំនិតអោយកុមារទាំងអស់គ្នាបញ្ចេញគំនិ​តច្នៃប្រឌិតរបស់ពួកគេតាមរយៈការផលិតភាពយន្ដ។ យើងនឹងនៅតែបន្តគាំទ្រ​ដល់​ការ​អភិវឌ្ឍ​ផលិតករ​ភាពយន្ត​ជំនាន់​ក្រោយ​របស់​កម្ពុជា។

ការប្រលងភាពយន្តថ្នាក់ជាតិឆ្នាំ 2025 KWN គឺជាផ្នែកមួយដ៏សំខាន់នៃការយកចិត្តទុកដាក់របស់ Panasonic Cambodia ក្នុងការលើកទឹកចិត្តដល់ការច្នៃប្រឌិតរបស់យុវជន និងការយល់ដឹងជាសកល។ ជាមួយនឹងកម្មវិធីដូចជា KWN ក្រុមហ៊ុន Panasonic ជួយយុវជនឱ្យក្លាយជាអ្នកដឹកនាំដែលជម្រុញការផ្លាស់ប្តូរជាវិជ្ជមាននៅក្នុងពិភពលោក។