(ខែកញ្ញ ឆ្នាំ2025)៖ ក្រុមហ៊ុន Royal Enfield ដែលជាក្រុមហ៊ុននាំមុខគេលើពិភពលោកផ្នែកម៉ូតូធុនមធ្យម (250cc-750cc) នៅថ្ងៃនេះបានប្រកាសតែងតាំងលោក Manoj Gajarlawar ជាប្រធានអាជីវកម្មសម្រាប់ទីផ្សារអាស៊ីប៉ាស៊ីហ្វិក។ ជាមួយមុខដំណែងថ្មីនេះ លោក Manoj Gajarlawar នឹងបង្ហាញខ្លួនជាផ្លូវការនៅចំពោះមុខលោក Yadvinder Singh Guleria ប្រធានផ្នែកពាណិជ្ជកម្មនៅ Royal Enfield រួមទាំងសាខារបស់របស់ក្រុមហ៊ុននៅទីក្រុងបាងកក ប្រទេសថៃផងដែរ។

ក្នុងនាមជាប្រធានអាជីវកម្មសម្រាប់ទីផ្សារអាស៊ីប៉ាស៊ីហ្វិក លោក Manoj នឹងទទួលខុសត្រូវក្នុងការពង្រីកអាជីវកម្មបន្ថែមទៀត ដោយការបង្កើត និងការផ្តល់នូវយុទ្ធសាស្រ្តដ៏រឹងមាំលើគ្រប់ផ្នែក ហើយក្នុងនោះក៏រួមបញ្ចូលនូវការលក់ ,ក្រោយពេលលក់ ,ម៉ាកយីហោ, ការផ្សព្វផ្សាយនិងការធ្វើទីផ្សារ ,Product strategy, ការបង្កើត និងពង្រីកឱកាសអាជីវកម្មថ្មីៗ ដូចជា ឈុតការពារ គ្រឿងបន្លាស់ម៉ូតូ និងគ្រឿងបង្គុំផ្សេងៗទៀត។

ស្វាគមន៍ជាមួយនឹងការប្រកាសតែងតាំងប្រធានអាជីវកម្មសម្រាប់ទីផ្សារអាស៊ីប៉ាស៊ីហ្វិក លោក Manoj Gajarlawar ប្រធានផ្នែកពាណិជ្ជកម្មនៅ Royal Enfield បានមានប្រសាសន៍ថា “ពួកយើងបាននិងកំពុងសរសេររឿងរ៉ាវនៃភាពរីកចម្រើនដ៏ពិសេសមួយសម្រាប់ Royal Enfield នៅក្នុងទីផ្សារអន្តរជាតិ។ ការខិតខំប្រេងប្រែងរបស់យើងមិនត្រឹមតែពង្រីកការបោះជំហានរបស់យើងក្នុងទីផ្សារពិភពលោកប៉ុណ្ណោះទេ ប៉ុន្តែយើងថែមទាំងបានជំរុញសន្ទុះក្នុងការរៀបចំចក្ខុវិស័យរបស់យើងក្លាយជាម៉ាកយីហោម៉ូតូលំដាប់ពិភពលោក និងឈានមុខគេក្នុងផ្នែកម៉ូតូធំធុនមធ្យម។ ហើយក្នុងឆ្នាំនេះ ក៏ជាឆ្នាំដ៏អស្ចារ្យមួយសម្រាប់ Royal Enfield ដែរ ដោយការលក់ប្រចាំឆ្នាំបានកត់ត្រាដល់ចំនួន 1លានគ្រឿង ដែលជាចំនួនខ្ពស់បំផុតមិនធ្លាប់មានរបស់យើង ហើយនេះក៏ជាសក្ខីភាពមួយបញ្ជាក់ថាតើយើងបានមកដល់ឆ្ងាយប៉ុណ្ណា។ មិនតែប៉ុណ្ណោះនៅលើទីផ្សារពិភពលោក យើងកំពុងបោះជំហានទៅមុខ និងរីកចម្រើនមិនធ្លាប់មានពីមុនមក។ ជាមួយគ្នានេះការសម្ពោធរោងចក្របង្គុំនៅប្រទេសថៃរបស់យើង គឺជាជំហានដ៏សំខាន់ក្នុងការពង្រឹងទីផ្សារអន្តរជាតិរបស់យើង ដោយ វត្តមានរោងចក្រ នេះ យើងបានកត់ត្រាកំណើន 13% ពីមួយឆ្នាំទៅមួយឆ្នាំនៅក្នុងតំបន់អាស៊ីប៉ាស៊ីហ្វិក។ ហើយឥឡូវនេះម៉ាកយីហោនេះស្ថិតក្នុងចំណោមម៉ាកម៉ូតូធុនមធ្យមកំពូលនៅក្នុងទីផ្សារសំខាន់ៗដូចជាប្រទេសថៃ អូស្ត្រាលី ជប៉ុន ម៉ាឡេស៊ី និងនូវែលសេឡង់ ដែលទាំងនេះគឺជាសក្ខីភាពពិតប្រាកដមួយចំពោះកិច្ចខិតខំប្រឹងប្រែងជាប់លាប់របស់យើង និងផែនការកំណើនជាយុទ្ធសាស្ត្រ។ ជាមួយនឹងការតែងតាំងថ្មីនេះ យើងកំពុងបញ្ជាក់ម្តងទៀតនូវចេតនារបស់យើង និងផ្តោតលើតំបន់ ហើយជាមួយនឹងចក្ខុវិស័យយុទ្ធសាស្ត្ររបស់យើង យើងមានទំនុកចិត្តថា យើងនឹងបន្ត កសាងគន្លងកំណើនប្រកបដោយចីរភាពសម្រាប់ទីផ្សារអន្តរជាតិរបស់យើង”។

គួរឱ្យដឹងថា មុនពេលត្រូវបានតែងតាំងតួនាទីថ្មីនេះ លោក Manoj បានគ្រប់គ្រងគ្រប់គ្រងអាជីវកម្មអន្តរជាតិសម្រាប់អាស៊ីប៉ាស៊ីហ្វិក មជ្ឈិមបូព៌ា អាហ្រ្វិក តំបន់ SAARC និងអាជីវកម្មគ្រឿង បន្លាស់។ លើសពីនេះ លោក Manoj បានចូលរួមជាមួយ Royal Enfield ក្នុងឆ្នាំ 2008 ហើយបាននៅជាមួយក្រុមហ៊ុនអស់រយៈពេល 17 ឆ្នាំចុងក្រោយនេះ។ គាត់ត្រូវបានគេជឿជាក់ក្នុងការជំរុញកំណើនអាជីវកម្មនៅទូទាំងតំបន់ ក្នុងរយៈពេលប៉ុន្មានឆ្នាំមកនេះ។

ការតែងតាំងថ្មីនេះគូសបញ្ជាក់ពីការផ្តោតលើម៉ាកយីហោជាយុទ្ធសាស្រ្តរបស់ Royal Enfield ដែលបន្តវិវឌ្ឍរចនាសម្ព័ន្ធអង្គភាពរបស់ខ្លួន ដោយទាក់ទាញអ្នកដែលមានទេពកោសល្យជាសាកល ក្នុងគោលបំណងក្លាយជាអ្នកដឹកនាំនៅក្នុងផ្នែកម៉ូតូខ្នាតមធ្យមពិភពលោក។

អំពី Royal Enfield
យីហោម៉ូតូចាស់ជាងគេក្នុងការផលិតបន្ត គឺ Royal Enfields បានបង្កើតម៉ូតូច្នៃយ៉ាងស្រស់ស្អាតតាំងពីឆ្នាំ១៩០១។ ពីប្រភពដើមរបស់អង់គ្លេស រោងចក្រផលិតត្រូវបានបង្កើតឡើងនៅ Madras នៅឆ្នាំ ១៩៥៥ ដែលជាកន្លែងឈរជើងដែលរ៉ូយ៉ាល់ Enfield នាំមុខការរីកចម្រើនរបស់អ្នកជិះម៉ូតូធុនមធ្យមចំនួន ២ របស់ឥណ្ឌា។ Royal Enfields កំពុងបញ្ជូលភាពមិនស្មុគស្មាញ អាចដំណើរការបានល្អ និងភាពរីករាយក្នុងការជិះ ទោចក្រយានយន្តសម្រាប់ការរុករក និងការបញ្ចេញគំនិតដោយខ្លួនឯងទាំងនេះហើយ ដែលជាវិធីសាស្រ្តមួយដែលយីហោ Royal Enfields ហៅថាម៉ូតូសុទ្ធសាធ។

ម៉ូឌែលប្រណិតៗរបស់ Royal Enfield ដែលបានចេញលក់រួមមាន Bear 650, Classic 650, Guerrilla 450 modern roadster, Hunter 350, Meteor 350, Super Meteor 650, Interceptor 650 និង Continental GT 650 twins, Shotgun 650, Himalayan 450, iconic Bullet 350, Classic 350 និង Goan Classic 350។ ហើយថ្មីៗនេះ ក្រុមហ៊ុនបានបង្ហាញពីម៉ាកម៉ូតូ City+ ថ្មីរបស់ខ្លួន – Flying Flea – ថ្មីស្រឡាងលើការចល័តទីក្រុង រួមបញ្ចូលគ្នានូវការរចនាពិតប្រាកដជាមួយនឹងបច្ចេកវិទ្យាទំនើប។

អ្នកជិះម៉ូតូ និងអ្នកដែលនិយមចូលចិត្តម៉ូតូបែបនេះ នឹងទទួលបានការគាំទ្រយ៉ាងខ្លាំងពីព្រឹត្តិការណ៍គ្រប់កម្រិតទាំងថ្នាក់តំបន់ និងអន្តរជាតិ អ្វីដែលគួរអោយកត់សំគាល់បំផុតនោះ គឺការជិះម៉ូតូ ដែលជាការជួបជុំជារៀងរាល់ឆ្នាំរបស់មនុស្សរាប់ពាន់នាក់ដែលមានការចាប់អារម្មណ៍ពី Royal Enfield នៅ Goa និង Himalayan Odyssey ដែលធ្វើឡើងជាប្រចាំឆ្នាំនៅលើ ផ្លូវ ដី ដែលពិបាក និងឆ្លងកាត់ភ្នំខ្ពស់បំផុត។

ផ្នែកមួយនៃ Eicher Motors Limited, Royal Enfield ដំណើរការតាមរយៈហាងជាង 2000 នៅទូទាំងទីក្រុង និងទីប្រជុំជនសំខាន់ៗទាំងអស់ក្នុងប្រទេសឥណ្ឌា និងតាមរយៈហាងជិត 850 នៅក្នុងប្រទេសជាង 60 ជុំវិញពិភពលោក។ Royal Enfield ក៏មានមជ្ឈមណ្ឌលបច្ចេកទេសលំដាប់ពិភពលោកចំនួនពីរផងដែរ គឺនៅ Bruntingthorpe ចក្រភពអង់គ្លេស និងនៅ Chennai ប្រទេសឥណ្ឌា។ រោងចក្រផលិតទំនើបបំផុតចំនួនពីររបស់ក្រុមហ៊ុនមានទីតាំងនៅ Oragadam និង Vallam Vadagal នៅជិត Chennai ។ នៅទូទាំងពិភពលោក Royal Enfield មានអង្គភាពដំឡើង CKD ទំនើបចំនួនប្រាំនៅក្នុងប្រទេសនេប៉ាល់ ប្រេស៊ីល ថៃ អាហ្សង់ទីន និងកូឡុំប៊ី៕