ច្បាស់ហើយ! ប្រតិបត្តិការ “ហុងម៉េង” របស់ Huawei នឹងមកដល់ កម្ពុជា យើងឆាប់ៗនេះ

បច្ចុប្បន្ននេះ ក្រុមហ៊ុន Huawei កំពុងតែសម្រុកធ្វើការអភិវឌ្ឍន៍ប្រព័ន្ធប្រតិបត្តិការ HongMeng ថ្មីរបស់ខ្លួន ដើម្បីបញ្ចេញប្រតិបត្តិការនេះនៅលើស្មាតហ្វូនរបស់ខ្លួននៅខែតុលា ខាងមុខនេះ។ យោងតាមរបាយការណ៍បានឲ្យដឹងថា Huawei បាននាំចេញទូរស័ព្ទ១លានគ្រឿង សម្រាប់ធ្វើតេស្តសាកល្បង និងកំពុងតែញាប់ដៃញាប់ជើងចុះពាណិជ្ជសញ្ញា (trademark) លើឈ្មោះ HongMeng នៅតាមបណ្តាប្រទេសមួយចំនួននៅទូទាំងពិភពលោក។

ប៉ាតង់ចុងក្រោយបំផុតនៅក្នុងអង្គការទិន្នន័យកម្មសិទ្ធិបញ្ញាពិភពលោក (WIPO) បានបង្ហាញថា ការស្នើសុំពាណិជ្ជសញ្ញាឈ្មោះ HongMeng មាននៅតាមបណ្តាប្រទេសមួយចំនួនដូចជាប្រទេសអូស្រ្តាលី កាណាដា កម្ពុជា សហភាពអឺរ៉ុប ឥណ្ឌូណេស៊ីឥណ្ឌា ម៉ិកស៊ិកូ អេស្ប៉ាញស្វ៊ីស និងថៃ។

កាលពីខែមុន ឈ្មោះពាណិជ្ជសញ្ញា HongMeng ត្រូវបានអនុញ្ញាតឲ្យប្រើប្រាស់ ដោយអាជ្ញាធរគ្រប់គ្រងកម្មសិទ្ធិបញ្ញាចិន (CNIPA) ហើយឈ្មោះពាណិជ្ជសញ្ញា HongMeng អាចប្រើប្រាស់បាននៅលើឧបករណ៍ជាច្រើនទាំង ស្មាតហ្វូន Tablet និងកុំព្យួទ័រផងដែរ៕

អត្ថបទ៖ ឌី
ប្រភព៖ GSMARENA