កុំព្យូទ័រ Macbook  ទំហំ ១២​ អ៊ីញ និង Macbook Air ទំហំ ១៣ អ៉ីញ នឹងលេងមានវត្តមាននៅក្នុងហាងលក់ផលិតផល Apple ទៀតហើយ ក្រោយក្រុមហ៊ុនបានប្រកាសជាសាធារណៈថា​ នឹងមិនបន្តផលិត​ ឬលក់ផលិតផលទាំងនេះទៀតទេ។ ការសម្រេចខាងលើនេះ ត្រូវបានគេមើលឃើញថា ក្រុមហ៊ុនមិនចង់បន្តលក់របស់ចាស់ទៀតនោះទេ ដោយក្រុមហ៊ុនចង់ឲ្យអតិថិជនខ្លួនផ្តោតតែលើផលិតផលថ្មី ដែលមានបច្ចេកវិទ្យាខ្ពស់ប៉ុណ្ណោះ។ គួរម្លឹកជូនថា កុំព្យូទ័រទាំងពីរម៉ូដែលនេះមានលក្ខណៈសម្បត្តិដូចខាងក្រោម៖

Macbook អេក្រង់ប្រភេទ Retina Display ទំហំ ១២ អ៉ីញ ត្រូវបានក្រុមហ៊ុន Apple ប្រកាសចេញលក់កាលឆ្នាំ ២០១៥ ដោយរត់ដោយកម្លាំងម៉ាស៊ីន Intel Y-series processor។ ចំណែក Macbook Air ស៊េរីឆ្នាំ២០១៧ វិញ គឺជាជំនាន់ទី២ របស់ Macbook Air ដែលមានអេក្រង់ ទំហំ ១៣ អ៉ីញ រត់ដោយកម្លាំងម៉ាស៊ីន Intel 5th-generation processor។

ក្នុងពេលដ៏ឆាប់ខាងមុខនេះ Apple នឹងបន្តចេញលក់កុំព្យូទ័រស៊េរីថ្មីរបស់ខ្លួន ដែលមានបច្ចេកវិទ្យា និងគុណភាពល្អប្រើសើរជាងកុំព្យូទ័រទាំងពីរម៉ូដែលខាងលើនេះទៀត៕

អត្ថបទ៖ ភក្តី