បើទោះជា Huawei Mate 30 មិនទាន់បង្ហាញខ្លួនជាផ្លូវការក៏ពិតមែន តែសារព័ត៌មាបច្ចេកវិទ្យា GSMARENA បានចុះផ្សាយថា Case ឬស្រោម សម្រាប់ដាក់ទូរស័ព្ទ Huawei Mate 30 ត្រូវបានក្រុមហ៊ុនជាច្រើនសម្រេចច្នៃម៉ូត និងផលិតរួចខ្លះបណ្ដើរៗហើយ ដើម្បីត្រៀមលក់ពេលវត្តមានរបស់ Huawei Mate 30 មកដល់ក្នុងពេលដ៏ឆា​ប់ខាងមុខនេះ។ តាមរយៈរូបភាព Case សម្រាប់ដាក់ Huawei Mate 30 ដែលគេទទួលបាននោះបានបង្ហាញថា ទូរស័ព្ទទំនើបចុងក្រោយមួយម៉ូដែលនេះនឹងមានកាមេរ៉ាចំនួន ៣ គ្រាប់ ស្ថិតនៅក្នុងរាងជារង្វង់មួយ អមដោយ Flash មួយគ្រាប់នៅក្នុងរង្វង់នោះផងដែរ។ ប្រសិនបើ Huawei Mate 30 ពិតជាមានរូបរាងដូចអ្វីដែលក្រុមហ៊ុនផលិត Case បានគិតទុកមែននោះ មានន័យថាព័ត៌មានដែលបានបែកធ្លាយជុំវិញរូបរាងទូរស័ព្ទម៉ូដែលនេះនាពេលកន្លងមកពិតជាមិនខុសនោះទេ។​ លោកអ្នកអាចទស្សនារូបភាពគំរូរបស់ Huawei Mate 30 ដូចក្នុងរូបភាពខាងក្រោម៖

អត្ថបទ៖ ភក្តី