ទីបំផុតក្រុមហ៊ុន Samsung បានត្រៀមខ្លួនរួចជាស្រេច ក្នុងការបង្ហាញ Galaxy Fold ដែលខ្លួនបានរចនាសារជាថ្មីឡើងវិញ។ បន្ទាប់ពីការចាប់ផ្តើមដំបូងនៅដើមឆ្នាំនេះមិនទទួលបានជោគជ័យ ដោយសារមានបញ្ហាចោទជាច្រើន វាបានបង្ខំស្មាតហ្វូនបត់បានមួយនេះត្រូវពន្យាពេលដាក់បម្រើជាផ្លូវការ។ Galaxy Fold ធ្លាប់បានត្រលប់ទៅបន្ទប់វិស្វកម្មវិញ ដើម្បីរកវិធីធ្វើឱ្យស្មាតហ្វូននេះអាចប្រើប្រាស់រឹងមាំជាងមុន។

ក្រុមហ៊ុន Samsung មើលទៅបានដោះស្រាយបញ្ហារបស់ខ្លួនរួចហើយ ដោយខ្លួនបានប្រកាសកាលពីខែកក្កដាថា ស្មាតហ្វូនបត់បាននេះនឹងមានវត្តមាននៅក្នុងខែកញ្ញានេះ។ ជាក់ស្ដែង Samsung Galaxy Fold បានបង្ហាញខ្លួនហើយ នៅក្នុងព្រឹត្តិការណ៍ IFA 2019 ដើមខែកញ្ញា ទី០៦ ឆ្នាំ២០១៩ នេះ។ វាមុខការគ្រោងទុកដំបូងរបស់ក្រុមហ៊ុនទៅទៀត ព្រោះដើមឡើយ Samsung ចង់បញ្ចេញវានៅចុងខែ ប៉ុន្តែវាទំនងជាពួកគេនឹងមិនអូសបន្លាយពេលវេលាទៀតទេ។ អ្នកតំណាងក្រុមហ៊ុន Samsung បាននិយាយថា ការផ្លាស់ប្តូរសំខាន់ៗចំនួន ៣ ត្រូវបានធ្វើឡើងជាមួយនឹង Galaxy Fold នេះ។

ការរចនាសំខាន់ ១ ក្នុងចំណោមទាំង ៣ គឺត្រចៀកអេក្រង់បត់របស់វានឹងត្រូវបន្ថែមគំរបស្រោបពីលើ ព្រោះដំបូងឡើយវាជាចន្លោះប្រហោងដែលធ្វើឱ្យស្មាតហ្វូននេះងាយចូលធូលី និងធ្វើឱ្យងាយបែក។ មូលហេតុមួយទៀត គឺដោយសារអ្នកប្រើប្រាស់គាត់បានហែកចេញនូវស្ទីកគ័រនៅលើអេក្រង់ ដែលពួកគាត់ច្រឡំថាវាជាបន្ទះ Screen protector ប៉ុន្តែការពិតវាជាបន្ទះការពារស្រទាប់ polymer របស់អេក្រងបត់នេះ ហើយចំណុចនេះវាក៏ត្រូវបានកែប្រែដែរ។ វាក៏បានបន្ថែមស្រទាប់ដែកនៅក្រោមអេក្រង់ ដើម្បីពង្រឹងការការពាររបស់វា ព្រោះធ្វើឱ្យដូច្នេះអ្នកប្រើនឹងមិនអាចមានអារម្មណ៍ថា ចុចប៉ះគ្រឿងម៉ាស៊ីននៅក្រោមអេក្រង់ទេ៕

អត្ថបទ៖ លីដា