Apple លែងផលិត iPhone XS និង XS Max ទៀតហើយ ក្រោយ iPhone 11 បង្ហាញខ្លួន

ភ្លាមៗក្រោយការប្រកាសមុខ iPhone 11 Pro កាលពីថ្ងៃអង្គារកន្លងមក ក្រុមហ៊ុន Apple បានបញ្ចប់ផលិតកម្មលើម៉ូដែល iPhone Xs និង​ Xs Max ជាផ្លូវការដែរដោយក្នុងនោះអតិថិជនមិនអាចធ្វើការបញ្ជាទិញផ្ទាល់ពីក្រុមហ៊ុនទៀតឡើយ។

ម៉ូដែលឆ្នាំ២០១៨នេះ ទោះបីជាយ៉ាងណាក្តីក៏នឹងនៅមានវត្តមានក្នុងស្តុករបស់ហាងលក់រាយមួយចំនួនរបស់ Apple ដដែល ប៉ុន្តែជឿជាក់ថានឹងមិនយូរឡើយវានឹងអស់ពីស្តុកទាំងនោះទៀត។ មូលហេតុដ៏សំខាន់មួយនោះគឺថា Apple បានសម្រេចចិត្តដាក់លក់ម៉ូដែលជំនាន់ចាស់ទាំងនេះក្នុងតម្លៃបញ្ចុះតម្លៃរហូតទៅដល់១០០ដុល្លារក្នុងមួយគ្រឿង។

មានន័យចាប់ពីថ្ងៃនេះតទៅ iPhone Xs ម៉ូដែល 64GG, 256GB និង 512GB នឹងមានតម្លៃត្រឹមតែ ៨៩៩ដុល្លារ, ១ ០៤៩ដុល្លារ និង ១ ២៤៩ដុល្លារប៉ុណ្ណោះ៕

អត្ថបទ៖ Lee