Huawei P40 និង P40 Pro អាចនឹងដំណើរការបានត្រឹម Android 10 ជាមួយនឹង Harmony OS

កាលពីខែកញ្ញាក្រុមហ៊ុន Huawei បានដាក់បង្ហាញជាផ្លូវការរួចមកហើយនូវស្មាតហ្វូនម៉ូដែល Mate 30 និង Mate 30 Pro ដែលស្មាតហ្វូនទាំង២នេះបានដំណើរការជាមួយប្រព័ន្ធប្រតិបត្តិការ Android 10 ប៉ុន្តែគឺមិនអាចប្រើប្រាស់សេវាកម្មរបស់ Google បានទេ ដោយសារតែមានការដាក់ទណ្ឌកម្មពាណិជ្ជកម្មពីសំណាក់សហរដ្ឋអាមេរិក។

ស្ថានភាពនេះអាចនឹងមានការផ្លាស់ប្តូរនៅប៉ុន្មានខែខាងមុខនេះ ប៉ុន្តែតាមរបាយការណ៍របស់ក្រុមហ៊ុន Huawei គឺបានបញ្ជាក់ថា ខ្លួនអាចនឹងមានយុទ្ធសាស្ត្រផ្សេងសម្រាប់ស្មាតហ្វូនបន្ទាប់របស់ខ្លួន ប្រសិនបើការងារពិភាក្សានេះមិនអាចប្រព្រឹត្តទៅជោគជ័យ។

បើតាមការអះអាងរបស់អ្នកជំនាញទស្សទាយបច្ចេកវិទ្យាម្នាក់បានអះអាងថា ស៊េរី Huawei P40 ថ្មីនឹងអាចបង្ហាញខ្លួនជាមួយនឹងតែប្រព័ន្ធប្រតិបត្តិការ Android 10 និង Harmony OS ប្រសិនបើទណ្ឌកម្មអាមេរិកមិនអាចបញ្ចប់ទៅនៅត្រឹមដើមឆ្នាំ២០២០។ មានន័យថា Huawei P40 និង P40 Pro នឹងមិនខុសពី Huawei Mate 30 និង Mate 30 Proឡើយ។ គួរឲ្យដឹងបន្ថែមទៀតថា ស៊េរីថ្មី Huawei P40 នឹងអាចបង្ហាញខ្លួនដំបូងនៅក្នុងខែមិនាឆ្នាំ២០២០ខាងមុខនេះហើយ៕

អត្ថបទ៖ Lee