សេវាកម្មកំសាន្តតន្ត្រីកំពូលចំនួន២គឺ Spotify និង Apple Music ត្រូវបានគេមើលឃើញទទួលបានភាពលេចធ្លោជាងគេនៅលើទីផ្សារ ទោះបីជាត្រូវប្រឈមមុខទៅនឹងការប្រជែងពីក្រុមហ៊ុនផ្សេងទៀតក្នុងប៉ុន្មានឆ្នាំថ្មីៗនេះរាប់ចាប់ពី Google Play Music និង YouTube Music រហូតដល់ Tidal, Deezer, Pandora និងប្រហែលជាគួរឱ្យកត់សម្គាល់បំផុតគឺ Amazon Music Unlimited ។

គេជឿជាក់ថា Spotify និង Apple Music មានអ្នកស្តាប់ភាគច្រើន និងកំពុងកើនឡើងពីប្រទេសចិនជាជាងសហរដ្ឋអាមេរិកបារាំង ឬន័រវេ។ នៅពេលចុងក្រោយនេះក៏មានលេចឬព័ត៌មានចុងក្រោយមួយទៀត ដែលបានអះអាងក្រុមហ៊ុនបច្ចេកវិទ្យាចិន ដែលមានឈ្មោះថា ByteDance គឺកំពុងតែសំងំអភិវឌ្ឍកម្មវិធីស្តាប់ចម្រៀងថ្មីមួយរបស់ខ្លួន ដែលមានលក្ខណៈស្រដៀងទៅនឹង Spotify ហើយនឹងចាប់ផ្តើមទីផ្សារដំបូងក្នុងប្រទេសឥណ្ឌា ឥណ្ឌូនេស៊ី និងប្រេស៊ីលផងមុនពេលទៅដល់សហរដ្ឋអាមេរិក។

គួរឲ្យដឹងដែរថា ByteDance នេះគឺជាក្រុមហ៊ុនចិនទើបបានដំណើរការអាជីវកម្មរបស់ខ្លួនកាលពីឆ្នាំ២០១២ប៉ុណ្ណោះ ហើយក៏ជាក្រុមហ៊ុនស្ថាបនិកនៃកម្មវិធី Tik Tok ដ៏ពេញនិយមនាពេលបច្ចុប្បន្ន។ Tik Tok ប្រមូលបានអ្នកប្រើប្រាស់សរុបដល់ទៅ១ពាន់លានដុល្លារក្នុងតំណាក់កាលដំបូងហើយមកដល់សប្តាហ៍មុននេះវាបានកើនឡើងទៅដល់១,៥ពាន់លានមកហើយ៕

អត្ថបទ៖ Lee