កុំប្រើគ្រឿងសម្អាង៨មុខនេះឲ្យសោះ ប៉ះពាល់សុខភាពធ្ងន់ធ្ងរ អាចឈានដល់ស្លាប់

ថ្មីៗនេះ ទី​ភ្នាក់ងារ​ជាតិ​គ្រប់​គ្រង​ឱសថ ​នៃ​ប្រទេស​ម៉ាឡេស៊ី​បាន​លុប​ប្រវេទន៍​គ្រឿង​សម្អាងចំនួន៨ មុខ​ចេញ​បញ្ជី ដោយសារ​ផលិត​ផល​ទាំង​នោះ​បាន​លួច​បន្ថែម​សារធាតុ​ហាមឃាត់ ធ្វើ​ឲ្យ​ប៉ះពាល់​ដល់​សុខភាព​អ្នក​ប្រើប្រាស់​ធ្ងន់ធ្ងរ។ បន្ទាប់​ពី​ទទួល​បាន​ព័ត៌មាន​នេះ ក្រសួង​សុខាភិបាល​នៃ​ព្រះរាជាណាច​ក្រកម្ពុជា​បាន​តាម​ដាន ហើយ​បញ្ជាក់​ថា គ្រឿង​សម្អាង​ទាំង​៨​មុខ​នោះ ពុំ​មាន​ចុះ​ប្រវេទន៍ (ចុះ​បញ្ជិកា) នៅ​ក្រសួង​សុខាភិបាល​ឡើយ។

តែ​ទោះ​ជា​បែប​នេះ​ក្តី ក្រសួង​សុខាភិបាល​នៅ​តែ​មាន​ព្រួយ​បារម្ភ ដោយ​សូម​ឲ្យ​អ្នក​ដែល​កំពុង​ប្រើ​ផលិត​ផល​គ្រឿង​សម្អាង​ទាំង​នោះ បញ្ឈប់​ជា​បន្ទាន់ ព្រោះ​អាច​វា​ធ្វើ​ឲ្យ​ប៉ះពាល់​ដល់​សុខភាព​ធ្ងន់ធ្ងរ ឬ​ឈាន​ដល់​ស្លាប់។

គ្រឿង​សម្អាង​ទាំង ៨ មុខ​នោះ រួមមាន៖

១. Dnars Gold GLOWING SERUM DAY
២. Dnars Gold Balen Cream (Night)
៣. Tresors Natural Herbal Cream
៤. Labeauty Booster Night Cream
៥. Brilliant Skin Essentials-Rejuvenating Facial Toner
៦. Brilliant Skin Essentials-Rejuvenating Cream
៧. Crystal white-White Booster-Skin Renewing & Brightening Serum
៨. RYX Sincerity-Rejuvenating Serum។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ផ្តល់សិទ្ធិដោយ៖ Helloគ្រូពេទ្យ