អ្នកស្រី ហិន ធានី នឹងតំណាងកម្ពុជាចូលរួមប្រកួតក្នុងកម្មវិធី Mrs. Universe 2019​ នៅប្រទេសចិន

កម្ពុជា នឹងបង្ហាញវត្តមានជាថ្មី ក្នុងការប្រកួត Mrs. Universe ២០១៩ ដែលនឹងធ្វើនៅប្រទេសចិនខាងមុខនេះ។ ដោយអ្នកស្រី ហិន ធានី នឹងតំណាងកម្ពុជាចូលរួមប្រកួតក្នុងកម្មវិធី Mrs. Universe 2019 អ្នកស្រីជាស្រ្តីទី២ របស់កម្ពុជាដែលតំណាងជាតិក្នុងការប្រកួត Mrs. Universe ខណៈដែលកម្ពុជាធ្លាប់ចូលរួមប្រកួតជាលេីកដំបូងកាលពីឆ្នាំ២០១៤ ដោយអ្នកស្រី សាពណ៌ ជាអ្នកតំណាងចូលរួមប្រកួត។

សូមបញ្ជាក់ថាកម្មវិធី Mrs. Universe ជាកម្មវិធីប្រកួតសម្រាប់ស្រ្តីកំពុងមានគ្រួសារ និង លែងលះក្លាយជាស្ត្រីមេម៉ាយ ដែលមានអាយុចន្លោះពី ១៨ ទៅ ៥៥ ឆ្នាំ កម្មវិធីនេះបានបង្កើតឡើងចាប់តាំងពីឆ្នាំ២០០៧ ហើយការប្រកួត Mrs. Universe ឆ្នាំ២០១៩ នឹងធ្វើឡើងនៅប្រទេសចិននឹងមានបេក្ខភាពចូលរួមប្រកួតជាង ៨០រូប ដែលមកពី ៧០ប្រទេសជុំវិញពិភពលោក ធ្វើឡើងចាប់ពីថ្ងៃទី២២ ខែធ្នូ ឆ្នាំ២០១៩ ដល់ថ្ងៃទី០១ ខែមករា ឆ្នាំ២០២០៕