ប្រិយមិត្តច្បាស់ជាជ្រាបរួចមកហើយថា កញ្ញា ប៉ុន សុរ៉ាវត្តី ទទួលជ័យលាភីក្លាយជា កញ្ញាឯកភពផែនដីកម្ពុជា ឆ្នាំ២០២០ (Miss Planet Cambodia) ដោយសារតែមានសមត្ថភាព និងរូបសម្រស់ស្រស់សោភា។ បន្ទាប់ពីទទួលជ័យលាភីបវកញ្ញារូបនេះ ត្រូវប៉ាន់ខ្លាំងក្នុងការថតសម្អាងការ ដោយ កញ្ញា ប៉ុន សុរ៉ាវត្តី បានបង្ហាញរូបសម្រស់ស្រស់ស្អាតបែបស្ត្រីខ្មែរ ក្នុងឈុតប្រពៃណីជាតិ។

សូមរំលឹកថា Miss Planet Cambodia 2020 ប៉ុន សុរ៉ាវត្តី មានអាយុ២០ឆ្នាំ កម្ពស់ 1.70 cm ជានិស្សិតសាកលវិទ្យាល័យជាតិគ្រប់គ្រង សិក្សាឆ្នាំសិក្សាមូលដ្ឋាននៃមហាវិទ្យាល័យទេសចរណ៍។ កញ្ញា ប៉ុន សុរ៉ាវត្តី នឹងតំណាងកម្ពុជា ចូលរួមប្រកួតប្រជែងក្នុងកម្មវិធី «Miss Planet International» នៅក្នុងខែមេសា ឆ្នាំ២០២០ ដែលមានបវកញ្ញាទាំង៧០ប្រទេសចូលរួម ហើយកម្ពុជាយើងធ្វើជាម្ចាស់ផ្ទះជាលើកទី២៕

រូបភាព៖ Miss Planet Cambodia