នាយកប្រតិបត្តិក្រុមហ៊ុន Apple លោក Tim Cook ត្រូវបានគេរាយការណ៍ថាលោកនៅតែប្រឆាំងនឹងគំនិតនៃការបញ្ចូល Mac និង iPad ដើម្បីបង្កើតកម្មវិធី Software តែមួយខណៈពេលដែល iPad ត្រូវបានលើកឡើងដោយមនុស្សជាច្រើនថានឹងអាចជំនួសកុំព្យូទ័រ Mac។

របាយការណ៍នេះត្រូវបានផ្អែកលើការសន្ទនាមួយដែលលោក Tim Cook បាននិយាយក្នុងអំឡុងពេលព្រឹត្តិការណ៍មួយកាលពីខែមុននៅទីក្រុង Chicago ដែលនាយកប្រតិបត្តិក្រុមហ៊ុន Apple បាននិយាយទៅកាន់កាសែត The Sydney Morning Herald នៅពេលនោះ។

លោក Tim Cook បានប្រកាសសេចក្តីថ្លែងការណ៍មួយស្រដៀងគ្នានេះដែរកាលពីមុននៅក្នុងឆ្នាំ 2015 ដោយនិយាយថាក្រុមហ៊ុន Apple មិនចង់ច្របាច់បញ្ចូលម៉ាក Mac និង iPad តែមួយនោះទេ។

បើទោះបីជាមានការចោទប្រកាន់ថាលោក Tim Cook គឺជាមនុស្សម្នាក់ដែលមានការព្រួយបារម្ភច្រើនជាងការផលិតផលិតផលដែលក្រុមហ៊ុន Apple បានក្លាយជាផលិតផលល្បីល្បាញអស់រយៈពេលជាច្រើនឆ្នាំក៏ដោយក៏លោកអគ្គនាយកក្រុមហ៊ុន Apple រូបនេះបាននិយាយថាការធ្វើឱ្យក្រុមហ៊ុនកាន់តែមានប្រជាប្រិយភាពតាមរយៈការច្របាច់បញ្ចូលផលិតផលមួយចូលគ្នាគឺមិនមែនជាអ្វីដែលក្រុមហ៊ុន Apple មានបំណងធ្វើនោះទេ។

លោក Tim Cook បានលើកឡើងទៀតថា “ប្រហែលជាក្រុមហ៊ុននឹងមានប្រសិទ្ធិភាពជាងមុននៅពេលក្រោយប៉ុន្តែវាមិនអាចកើតឡើងនោះទេ។ វាគឺជាការផ្តល់ឱ្យអ្នកប្រើប្រាស់នូវអ្វីដែលពួកគេអាចប្រើដើម្បីជួយពួកគេផ្លាស់ប្តូរពិភពលោកឬបង្ហាញការច្នៃប្រឌិតរបស់ពួកគេ។ ដូច្នេះការរួមបញ្ចូលគ្នាដែលមនុស្សមួយចំនួនត្រូវបានលើកឡើងនោះ ខ្ញុំមិនគិតថាវាជាអ្វីដែលអ្នកប្រើចង់បាននោះទេ។”

មតិយោបល់ទាំងនេះគឺគួរឱ្យចាប់អារម្មណ៍ជាពិសេសនៅពេលដែលពាក្យចចាមអារ៉ាមនៅតែបន្តថា Apple កំពុងធ្វើការដើម្បីបង្រួបបង្រួមប្រព័ន្ធប្រតិបត្តិការ iOS និង MacOS ជាមួយ iOS 12 និង MacOS 10.14 ។ កាសែត Bloomberg បានរាយការណ៍ថាអ្នកបង្កើតកម្មវិធីនឹងអាចបង្កើតកម្មវិធីមួយសម្រាប់ប្រព័ន្ធប្រតិបត្តិការទាំងពីរដោយមិនចាំបាច់បង្កើតកម្មវិធីពីរដាច់ដោយឡែកសម្រាប់ប្រើនៅលើ Macs ឬ iPhones និង iPad នោះទេ។

ការបង្រួបបង្រួមនេះគឺជាអ្វីមួយដែលធ្វើឱ្យមានពាក្យចចាមអារ៉ាមបន្ថែមទៀតដែលថាក្រុមហ៊ុន Apple មានគម្រោងផ្លាស់ប្តូរ Mac របស់ខ្លួនចេញពី CPU Intel និងជ្រើសយកជម្រើស ARM ដូចទៅនឹងអ្វីដែលបានប្រើនៅក្នុងHardware iOS ដែលមានស្រាប់។

ប្រភព៖ RedmondPie

ប៊ុនហួរ