នៅពេលដែលក្រុមហ៊ុន Samsung សម្រេចណែនាំទាក់ទងទៅនឹងមុខងារ AR Emoji ភ្លាម មនុស្សជាច្រើនបានសន្មត់ថា នេះគឺជាការឆ្លើយតបទៅកាន់ Animoji របស់ក្រុមហ៊ុន Apple។ ដោយឡែក មុខងារ AR Emoji របស់ក្រុមហ៊ុន Samsung នៅតែបន្ដទទួលបានការអភិវឌ្ឍដដែល ហើយកាលពីពេលថ្មីៗនេះ ប៉ាតង់ថ្មីបានបង្ហាញថា មុខងារនេះនឹងអាចប្រើប្រាស់បានលើ Video call ថែមទៀតផង។

ត្រឡប់ទៅកាន់ឆ្នាំ2013 វិញ ក្រុមហ៊ុន Samsung ធ្លាប់មានគម្រោងម្ដងរួចមកហើយទាក់ទងទៅនឹងការហៅចេញជាវីដេអូនេះ ហើយក្រោយមក ក្រុមហ៊ុននេះបានសម្រេចចុះប៉ាតង់មួយ ដែលក្នុងនោះគឺអាចអនុញ្ញាតឲ្យអ្នកប្រើប្រាស់ហៅចេញជាវីដេអូរវាងគ្នាបានដោយប្រើប្រាស់មុខងារ 3D។

រហូតមកដល់ពេលបច្ចុប្បន្ន ការហៅចេញជាវីដេអូគឺក្លាយទៅជារឿងធម្មតាទៅហើយ ឯក្រុមហ៊ុន Samsung មានបំណងចង់ឲ្យមុខងារនេះកាន់តែអស្ចារ្យជាងមុន ពោលគឺខុសពីគេ។ ទោះជាយ៉ាងណា ប្រសិនបើមុខងារ AR Emoji ត្រូវបានដាក់បញ្ចូលទៅក្នុង Video call មែន នោះតម្រូវការមានដូចជា ល្បឿនអ៊ីនថឺណេតលឿន កម្រឹតប្រេកង់ខ្ពស់ និងតម្រូវការកែប្រែមុខមាត់អ្នកប្រើប្រាស់ជាមុនសិន មុននឹងផ្ញើចេញទៅ។

Fu

ប្រភព៖ theverge