កាន់តែឡើងកំដៅ ! ម៉េង កែវពេជ្ជតា បោះសំដីមួយឃ្លាក្រោយព័ត៌មានចុះផ្សាយរឿងបកអាក្រាត ទូច ស៊ុននិច

រឿងរ៉ាវរវាងតារាចម្រៀងល្បីឈ្មោះ២ដួងបានកក្រើកឡើងសាជាថ្មីដោយសារតែអ្នកនាង ម៉េង កែវពេជ្ជតា បានធ្វើការបកអាក្រាតកញ្ញា ទូច ស៊ុននិច នៅលើបណ្តាញសង្គម Facebook ដោយចោទថានាងជាមនុស្សរមើលគុណគ្រូ រហូតមានការផ្លែផ្កាពាក្យសំដីគ្នាទៅវិញទៅមកមិនទាន់ដាច់ស្រាច់។

ថ្មីៗនេះដែរក៏មានព័ត៌មានចុះផ្សាយទាក់ទងនឹងការបកអាក្រាតកញ្ញា ទូច ស៊ុននិច ពីសំណាក់អ្នកនាង ម៉េង កែវពេជ្ជតា ដោយអះអាងថាអ្នកគាំទ្រអ្នកនាង ម៉េង កែវពេជ្ជតា ធ្វើការគាំទ្ររូបនាងចំពោះការលើកឡើងខាងលើ។ ក្នុងនោះអ្នកនាង ម៉េង កែវពេជ្ជតា ក៏បានបោះសំដីមួយឃ្លាបន្ថែមទៀតថា៖ ”ម្តាយឪពុកខ្ញុំ​ បានផ្តល់ឈាមជ័រអោយកូនៗមានទាំងទេពកោសល្យ​ និងមានទាំងចិត្តមេត្តាគ្មានមុសារ​ គ្មានការព្យាបាទច្រណែនក្នុងខ្លួនសូម្បីបន្តិច​ ! លោកពុកខ្ញុំផ្តាំថា​ “​ បេីឈ្នះក៏ឈ្នះក្នងសច្ចៈភាពថ្លៃថ្នូរ​ ទេីបហៅថាអ្នកក្លាហាន​ ” សូមអរគុណការយល់​ និងជឿជាក់មកលេីខ្ញុំ​“។