ផ្ទុះភ្នំភ្លើងនៅអាមេរិក ប្រជាពលរដ្ឋប្រមាណជាង ១,៧០០ នាក់នាំគ្នាជម្លៀសចេញភ្លាមៗ

អាមេរិក៖ កាលពីម្សិលមិញនេះភ្នំភ្លើង Kilauea ដែលស្ថិតនៅក្នុងតំបន់ Leilani Estates ភាគខាងជើងរដ្ឋ Hawaii សហរដ្ឋអាមេរិក បានផ្ទុះឡើង​ និងបានបំផ្លាញសម្បត្តិធម្មជាតិ និងផ្ទះប្រជាពលរដ្ឋជាច្រើនខ្នង។ យោងតាមរបាយការណ៍បឋមបានឲ្យដឹងថា យ៉ាងហោចណាស់ផ្ទះនឹងអគារ ៣៥ ខ្នង ត្រូវបានបំផ្លាញទាំងស្រុងតែម្តង។ ប្រជានពលរដ្ឋដែលនៅរស់នៅក្នុងតំបន់ Leilani Estates ប្រមាណជា ១,៧០០ នាក់ ត្រូវបង្ខំចិត្តធ្វើការជម្លៀសខ្លួណចេញទៅកន្លែងដែលមានសុវត្ថិភាព។ សូមបញ្ជាក់ថាតំបន់ Leilani Estates មានចម្ងាយត្រឹមតែ ១៩ គីឡូម៉ែត្រប៉ុណ្ណោះពីភ្នំភ្លើងដែលផ្ទុះនោះ។ សូមអញ្ជើញប្រិយមិត្តទស្សនា ទិដ្ឋភាពភ្នំភ្លើងដែលផ្ទុះនេះដូចខាងក្រោម៖

អត្ថបទ៖ ភក្តី

ប្រភព៖ asiantown