តារាកំប្លែង អ្នកនាង ខ្ញុង សម្រាលកូនរួចហើយនៅថ្ងៃនេះ និងមានសុវត្ថិភាពទាំងម្តាយនិងកូន

តារាកំប្លែងល្បីឈ្មោះប្រចាំស្ថានីយទូរទស្សន៍ CTN គឺអ្នកនាង ខ្ញុង បានសម្រាលកូនរួចហើយនៅថ្ងៃនេះ ដោយនាងបានសម្រាលកូនតាមធម្មជាតិ ហើយមានសុខសុវត្ថិភាពទាំងម្តាយនិងកូន។ បើតាមការបង្ហោះនៅលើបណ្តាញសង្គម អ្នកនាង ខ្ញុង បានរៀបរាប់ថា៖ “អ៊ំពូមីងមុខអូនដូចម៉ាក់ទេ? សូមអរគុណដល់មន្ទីរពេទ្យមន្ទីរពេទ្យអរៀនដា ដែលផ្ដល់ទំនុកចិត្តនិងភាពកក់ក្តៅឲ្យខ្ញុំនិងកូន ចាំស្រួលខ្លួនបន្តិចនិងឡាយឲ្យបងប្អូនមើលឲ្យច្បាស់ជាងនេះ។”

គួរបញ្ជាក់ផងដែរថា អ្នកនាង ស្រេង សុកាន់ដា ហៅខ្ញុង បានរៀបការជាមួយនិងអ្នកសិល្បៈរួមអាជីពគឺតារាកំប្លែង នាយកៃដ ដោយពេលនេះពួកគេទទួលបានកូនម្នាក់សមតាមបំណង។ ក្រៅពីអាជីពសិល្បៈ តារាកំប្លែងរូបនេះបានប្រកបរបរលក់សាច់ក្រក និងផលិតផលថែរក្សាសម្រស់នៅតាមអនឡាញថែមទៀតផង៕