តារាចម្រៀងជើងចាស់ល្បីឈ្មោះ គឺអ្នកនាង ម៉េង កែវពេជ្ជតា ហាក់ដូចជាមិនមានការថមថយកំលាំងខ្លួននោះឡើយ ទោះបីជាមានជំទាវល្បីឈ្មោះ២រូបដាក់ពាក្យបណ្តឹងដល់តុលាការ និងលេចលឺថា សូម្បីតែអ្នកនាង ចន ច័ន្ទលក្ខិណា ក៏ត្រៀមដាក់ពាក្យប្តឹងដូចគ្នា។ ថ្មីៗនេះដែរ នៅក្នុងគ្រួសាររបស់តារាសម្តែង ចន ច័ន្ទលក្ខិណា បានជួបទុក្ខធំដោយសារតែក្មួយប្រុសរបស់នាង បានទទួលមរណៈភាព។

អ្វីដែលគេចាប់អារម្មណ៍ខ្លាំងនោះគឺ អ្នកនាង ម៉េង កែវពេជ្ជតា ហាក់ចង់ផ្លែផ្កាអោយអ្នកនាង ចន ច័ន្ទលក្ខិណា ដោយប្រើប្រាស់ពាក្យសំដីនៅលើ Comment ថា “មែនហើយ ដូចអ្នកខ្លះ ចង់ប្តឹងខ្ញុំស្រាប់តែជួបរឿងអកុសល ងាប់ក្មួយមួយដោយសារគ្រឿងញាណ” និងពាក្យមួយឃ្លាទៀតថា “បច្ចុប្បន្ននេះកម្មសងលឿនណាស់មិនចាំជាតិក្រោយ ដូចអ្នកខ្លះគ្រាន់តែប្តឹងបងក៏មានបញ្ហាគ្រួសារភ្លាម។ មិនមែនផ្ចាញ់ផ្ចាល់ទេ តែចង់ប្រាប់ការពិត”។