ដំណឹងដ៏ក្រៀមក្រំបំផុតរបស់គ្រួសារត្រកូលខាត់ ដោយសារបាត់បង់លោកឪពុកជាទីស្រលាញ់ គឺលោក លាវ ខាត់ ដែលត្រូវជាឪពុករបស់អ្នកនាង ខាត់ សុឃីម លោក ខាត់ ចំរើន និងបងប្អូន៧នាក់ផ្សេងទៀត។ ដំណឹងមរណៈភាពរបស់លោកតា លាវ ខាត់ បានធ្វើអោយសិល្បៈករ សិល្បៈការនី ជាច្រើនសម្តែងការក្រៀមក្រំ និងចូលរួមរំលែកទុក្ខតារាចម្រៀង ខាត់ សុឃីម ផងដែរ។

ក្នុងនោះដែរ អ្នកនាង ខាត់ សុឃីម បានបង្ហោះសារដ៏សោកសៅមួយដោយលាលោកឪពុកគ្មានថ្ងៃជួបវិញឡើយ ដោយអ្នកនាងបានរៀបរាប់នៅលើ Facebook ថា៖ “ទីបំផុតកូនទាំង៩ លែងមានឪពុកហៅហើយ លាហើយពុកដ៏មហិមារបស់កូនអើយ អរគុណបងប្អូន((ពុកខ្ញុំឈ្មោះ លាវខាត់ អស់ព្រះជន្មនៅជន្មាយុ ៦៧ វស្សាដោយ រោគគាពាធ))សូមបងប្អូនកុំប្រកាន់ គ្រួសារខ្ញុំអី មិនបានឆ្លើយតប ទេ សពដំកល់នៅ គេហដ្ឋានរបស់ពុក ខាត់ នៅភូមិព្រៃពង្រ សង្កាត់ ពញ្ញាពន់ ខណ្ឌព្រែកព្នៅ ភ្នំពេញ កុំខឹងអីបងប្អូនអើយ”៕