សាយ សៀរ៉ា ស្រណោះ Mr. Queen ដោយលោកខំជួយទាំងឈាម ទាំងលុយ មិនអាចសង្គ្រោះជីវិតបាន

តារាសម្តែងនិងជាតារាបង្ហាញម៉ូដភេទទី៣ គឺលោក វឌ្ឍនា ហៅ Mr.Queen បានទទួលមរណៈភាពកាលពីយប់មិញនេះវេលាម៉ោង ២យប់រំលងអាធ្រាត ថ្ងៃទី៣ ខែកក្កដា ឆ្នាំ២០២០ ដោយជំងឺមហារីកកូនកណ្តុរនិងជំងឺសួតរបេង រើឡើងវិញ។ ក្នុងនោះដែរក៏មានសិល្បៈករ សិល្បៈការនី ជាច្រើនបង្ហាញអារម្មណ៍សោកស្តាយចំពោះការស្លាប់របស់ Mr.Queen ខណៈដែលគ្រួសាររបស់លោកក្រខ្សត់សូម្បីគ្មានលុយដើម្បីធ្វើបុណ្យ។

ក្នុងនោះដែរលោក សាយ សៀរ៉ា ដែលជាតារាសម្តែងល្បីឈ្មោះមួយរូប ក៏បានបង្ហាញអារម្មណ៍សោកស្តាយនៅលើ Facebook លោកថា៖ “លោក Mr Queen គាត់បានទទួលមរណៈភាពហើយ នៅម៉ោង២យប់មិញ សពតំកលនៅវត្តអង្គតាមិញ បងខំជួយទាំងឈាម ទាំងលុយ នៅតែប្អូនមិនរស់ទៀត សូមប្អូនទៅបានក្តីសុខ ហើយជាតិក្រោយកុំឪ្យដូចជាតិនេះទៀត ម៉ោង១.៣០នាទីខ្ញុំទៅចូលរួមបុណ្យប្អូននៅវត្តហើយសូមបងប្អូនចូលរួមផង គ្នាក្រណាស់”