អភិបាលខេត្តព្រៃវែង ស្នើទៅរដ្ឋមន្រ្តី ចាត់វិធានការច្បាប់ចំពោះផលិតកម្ម មរតក ពាក់ព័ន្ធទៅនឹងបទល្មើសញុះញង់ បង្កឱ្យមានការរើសអើង និងប្រព្រឹត្តបទល្មើស

ឯកឧត្តម ជា សុមេធី អភិបាលខេត្តព្រៃវែង បានប្រតិកម្មនឹងផលិតកម្ម មរតក ដែលចេញ MV ឲ្យតួសម្តែងនិយាយដៀលអ្នកខេត្តព្រៃវែង ដោយឯកឧត្តមបានស្នើដល់ លោកជំទាវ ភឿង សក្កុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ អោយចាត់វិធានការលើ ផលិតកម្ម មរតក មេនៀ ដែលបានផលិតវីដេអូចម្រៀង មានខ្លឹមសារប្រមាថដល់អ្នកខេត្តព្រៃវែង។

ឯកឧត្តមបានស្នើសុំដូចខាងក្រោម៖ ១៖ ចាត់វិធានការច្បាប់ចំពោះផលិតកម្ម មរតក ជាពិសេសពាក់ព័ន្ធទៅនឹងបទល្មើសញុះញង់ បង្កឱ្យមានការរើសអើង និងប្រព្រឹត្តបទល្មើស
២៖ ផលិតកម្ម មរតក មេនៀ ត្រូវលុបប្រើបវីឌីអូ និងធ្វើការបកស្រាយសុំទោសជាសាធារណៈ៕