ថេណា បកស្រាយភ្លាមៗ ក្រោយមានអ្នករិះគន់ និងចោទថាលួចចម្លងរូបគំនូរក្នុងបទចម្រៀងតារាកូរ៉េ BTS
- July 7, 2020
ចម្រៀងថ្មីមួយបទរបស់តារាចម្រៀងវ័យក្មេងគឺលោក ថេណា ត្រូវបានគណនី Facebook ម្នាក់ធ្វើការរិះគន់ចំៗនិងចោទថាលោកលួចចម្លងរូបគំនូរក្នុងបទចម្រៀង Forver Rain របស់តារាល្បីកូរ៉េ BTS។ ក្រោយរងការរិះគន់ពីសំណាក់ម្ចាស់គណនីឈ្មោះថា Kim Taelenciaga លោក ថេណា ក៏បានបកស្រាយភ្លាមៗទាំងយប់វិញថារូបគំនូរមួយនេះគឺលោកយកចេញពី Internet តែប៉ុណ្ណោះ ហើយដោយសារតែវាមិនសូវច្បាស់ទើបអោយមិត្តភ័ក្រគូរថ្មី។ ម្ចាស់បទ “កង់សាគួរ” រូបនេះបានបញ្ជាក់ថា៖
“រូបនឹងខ្ញុំយកពី Pinterest មកទេអត់មានដឹងថាជារបស់បទ BTS នោះទេ ឃើញវាស្អាតមេីលទៅកំសត់ក៏យកមកដាក់ទៅហើយរូបអត់ច្បាស់ក៏ពួកម៉ាកខ្ញុំវាគូរតាមឡើងវិញម្តងទៀត មូលហេតុដែលខ្ញុំប្រើរូបតាម internet ក៏ដោយសារគិតថាវាជាបទដែលខ្ញុំមិនសូវជាយកចិត្តទុកដាក់ជាមួយខ្ញុំគ្រាន់តែធ្វើលេងតែប៉ុណ្ណោះហេីយខ្ញុំថាខ្លួនឯងមិនមែនជាដារ៉ាស្តង់ដារអីដូចគេទេគ្រាន់តែច្រៀងបង្ហោះតាម internet លេងគិតថាវាមិនប៉ះពាល់អីទេគ្រាន់តែរូបភាពគេដាក់អោយប្រើប្រាស់ free តែបើចឹងហើយចាំលុបក៏បាន ហើយអ្នកផ្សេងក៏យករូបពី internet ដូចតែគ្នានឹងគ្រាន់តែមិនចំរបស់ BTS យាយត្រង់បេីដឹងរបស់ BTS អត់យកទេស្អែក post ថ្មីចាំលុបចោលក៏បាន”៕
- Share This Post: