ករណីវិជ្ជមានកូវីដ១៩ លើអ្នកដំណើរមកពីក្រៅប្រទេសជាបន្តបន្ទាប់ ក្រសួងស្នើឲ្យប្រយ័ត្នខ្ពស់ពេលឈប់សម្រាកខាងមុខ
ថ្មីៗនេះរដ្ឋាភិបាលបានចេញអនុក្រិត្យឲ្យមន្ត្រីរាជការ និយោជិត កម្មករ ឈប់សម្រាកការងារ ចំនួន ៥ ថ្ងៃ ដើម្បីសងថ្ងៃបុណ្យចូលឆ្នាំ កាលពីខែមេសា ដែលត្រូវបានលើកដោយសារបញ្ហា COVID-19។
ដោយហេតុថា ការឈប់សម្រាករយៈពេលយូរនេះ ប្រជាពលរដ្ឋនឹងមានការធ្វើដំណើរទៅជួបជុំគ្រួសារនៅស្រុកកំណើត ឬអាចមានដំណើរកម្សាន្តផងនោះ ហើយស្របពេលដែលស្ថានភាព COVID-19 កំពុងរាតត្បាតយ៉ាងខ្លាំងលើពិភព និងក្នុងតំបន់ ហើយកម្ពុជាបានរកឃើញករណីវិជ្ជមានលើអ្នកដំណើរជាបន្តបន្ទាប់ ក្រសួងសូមឲ្យប្រជាពលរដ្ឋទាំងអស់ បន្តអនុវត្តការពារការចម្លងវីរុស COVID-19 ឲ្យបានខ្ជាប់ខ្ជួន។
ដើម្បីការពារការចម្លងវីរុស COVID-19 មកបុគ្គល និងចូលក្នុងសហគមន៍ក្នុងនោះ ក្រសួងសុខាភិបាល បានក្រើនរំលឹកដល់សាធារណជនទាំងអស់ថា ត្រូវប្រកាន់ខ្ជាប់នូវការរស់នៅតាមបែបគន្លងថ្មី ដោយចេះកែប្រែទម្លាប់ និងឥរិយាបថ ប្រកបដោយការប្រុងប្រយ័ត្នខ្ពស់ និងនៅតែបន្តការពារការចម្លងជំងឺ COVID-19 នេះ ទោះក្នុងពេលវេលា នៅទីណា និងកន្លែងណាក៏ដោយ។
ខាងក្រោមនេះជាការណែនាំលម្អិតរបស់ក្រសួងសុខាភិបាល ស្តីពីការការពារការចម្លងវីរុស COVID-19 ក្នុងអំឡុងពេលឈប់សម្រាកចំនួន ៥ថ្ងៃ ពីថ្ងៃទី១៧-២១ ខែសីហា ឆ្នាំ២០២០។
ផ្តល់សិទ្ធិដោយ៖ Helloគ្រូពេទ្យ