ទប់ចិត្តមិនបាន ! អាចារ្យធំ បង្ហោះសារមួយឃ្លាក្រោយផ្ទុះការរិះគន់បទចម្រៀងថ្មី របស់ផលិតកម្ម សាន់ដេ
- September 5, 2020
តារាចម្រៀងវ័យក្មេងដែលទើបនឹងចូលផលិតកម្ម សាន់ដេ ក្តៅៗគឺកញ្ញា ម៉ានីតា បានបញ្ចេញបទចម្រៀងថ្មីរបស់ខ្លួនលើកដំបូងនៅលើ Facebook របស់ផលិតកម្មបានត្រឹមរយៈពេលប្រមាណជាង១ម៉ោងប៉ុណ្ណោះស្រាប់តែត្រូវរងការរិះគន់ខ្លាំងហួសការរំពឹងទុកបែបនេះ។ ចម្រៀងមួយបទដែលមានចំណងជើងថា “ស្រឡាញ់ BTS ពេញបេះដូង” អត្ថន័យរៀបរាប់ពីក្មេងស្រីម្នាក់ដែលមានចិត្តស្រលាញ់តារាចម្រៀង កូរ៉េ គឺក្រុម BTS រហូតដល់ថ្នាក់សូម្បីតែពេលរៀន ក៏មើលរូប BTS ផងដែរ។ ទន្ទឹមនឹងគ្នានេះដែរ អាចារ្យធំ ដែលជាតារាចម្រៀងរ៉េប មួយរូបក៏បានបង្ហោះសារមួយឃ្លាចំៗថា៖
“សិល្បករខ្មែរ! ចម្រៀងខ្មែរ! តែ…”ខ្ញុំស្រឡាញ់ BTS ពេញបេះដូង”? ? ? បងមិនហ៊ានច្រណែនប្អូនទេ! ក្នុងនាមជាកោសិការសិល្បៈនៃជាតិសាសន៍ មួយដែរ បែរជាលូនទៅទ្រ ជ្រកក្រោមនាមត្រឹមជា #ហ្វេនសិល្បករមួយក្រុមរបស់បរទេស ទៅវិញ? អាចប្រហែលខួរគិតទាល់ច្រក ឬអាចជាយុទ្ធវិធីរកទីផ្សារ ឬអាចជាគំនិតទុច្ចរិត គ្មានមនសិការក្នុងក្បាល ល។ល សូមពិចារណាបន្ថែម! ឯណាតម្លៃនៃសិល្បៈរបស់ជាតិខ្លួន? ខ្ញុំធ្វេីមិនបានទេ អស្ចារ្យពេកហេីយ ជាចុងក្រោយ “ខ្ញុំស្រឡាញ់អ្វីដែលជាខ្មែរពេញបេះដូង” មិនឱនក្បាលលក់ឧត្តមគតិជាដាច់ខាត។ ”
- Share This Post: