កាលពីពេលថ្មីៗនេះតារាសម្តែង អ៉ឹម ជីវ៉ា បានធ្វើការរិះគន់ចំៗទៅអាជីវករលក់ដូរនៅខេត្តកែប ដែលបានកោររូបលោកដោយយកថ្លៃតូបអង្គុយធម្មតា តំលៃដល់ទៅ $35 ហើយលោកបានផ្តាំអោយលោក អភិបាលខេត្តកែប មេត្តាជួយត្រួតពិនិត្រអាជីវករទាំងនោះផង។ មិនបានប៉ុន្មានម្ចាស់តូបឈ្មោះ អាហារដ្ឋានសម្រស់កោះទន្សាយ បានឆ្លើយតបទៅលោក អ៉ឹម ជីវ៉ា ធ្ងន់ៗវិញថា ៖

“ខាងខ្ញុំពុំបានយកថ្លៃតូបអីដល់ទៅ $35 នោះដែរ។ ពួកគាត់ទេមកដំបូងកុម្មង់ម្ហូប៣មុខ ញាំគ្នាប្រហែល១០នាក់ មានទាំងចង្ក្រានហ្គាស់ មានទាំងម្ហូបដាំបាយលើខ្ចុះ ច្រៀងសប្បាយរហូតដល់ល្ងាច ចុងក្រោយកុម្មង់មាន់បំពង២ខ្ចប់ទៅផ្ទះវិញទៀត។ ក្រៅពីនោះគ្មានកុម្មង់អ្វីទាំងអស់ ព្រោះគាត់មានសព្វគ្រប់ ហើយពួកខ្ញុំក៏ពុំមានយកថ្លៃខ្ចុះអីដែរ”។

ទាក់ទិននឹងការឆ្លើយតបនេះដែរធ្វើឡើងតាមរយៈលោក Ouk Rithysak ដែលជាមន្ត្រីអាវុធហត្ថមួយរូប ហើយលោកបានបង្ហោះសារថា៖ “ម្ចាស់ហាងបានចេញបកស្រាយហេីយ។ សូមបងប្អូនជួយវិន្និឆ្ឆ័យទាំងអស់គ្នា។ ហេតុអីចាំ block ម្ចាស់ហាងធ្វេីអី មិនព្រមអោយគាត់តទល់ក្នុង page របស់ខ្លួនទៅ?។ បេីចង់តវ៉ា រឺវែកញ៉ែករកខុសត្រូវ សូមខលមក លេខគណៈកម្មការរៀបចំសណ្តាប់ធ្នាប់។ សូមជួយ Comment ផង តេីខាងណាខុសខាងណាត្រូវ?”