ពេលមានទឹកជន់លិច ម៉ាក់ប៉ាត្រូវប្រយ័ត្នកូនរឿងប៉ុន្មាននេះ
- October 13, 2020
ពេលមានទឹកជន់ យើងអាចបញ្ហាសុខភាពច្រើនពាក់ព័ន្ធនឹងរឿងអនាម័យ ពិសេសត្រូវមើលថែទាំកូនតូចៗឲ្យបានដិតដល់។ ក្រៅពីរឿងអនាម័យក្នុងការរស់នៅ និងហូបចុក លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានផ្តល់ដំបូន្មានឲ្យម៉ាក់ប៉ាប្រយ័ត្នកូនតូចពីរឿងមួយចំនួនខាងក្រោម។
១. កុំឲ្យកូនលេងទឹក
ក្មេងៗចូលចិត្តលេងទឹកណាស់ បានលេងទឹកដឹងតែសប្បាយចិត្ត ហៅមិនចង់ងើបនោះទេ។ ទោះយ៉ាងណាកាលលេងទឹកក្នុងអំឡុងពេលមានទឹកជន់ ម៉ាក់ប៉ាត្រូវប្រយ័ត្ន និងត្រូវហាមប្រាមកូន បើមិនអ៊ីចឹងទេកូនតូចៗអាចនឹងលង់ទឹក។
២. សត្វល្អិតខាំ ឬទិច
សត្វល្អិត ដូចជាស្រមោច សង្អា ពេលទឹកជន់លិចជម្រក ឬសំបុកវាអស់ហើយ វានឹងរត់តោងមកនៅទីកន្លែងគោគដែលស្ងួត ពិសេសក្នុងផ្ទះយើងតែម្តង ដែលបញ្ហានេះម៉ាក់ប៉ាក៏ត្រូវប្រយ័ត្នពីសត្វល្អិតទាំងនោះដែរ។ ទោះសត្វល្អិតទាំងនោះមិនបង្កឲ្យមានគ្រោះថ្នាក់ដល់សុខភាព តែអាចខាំទិចលើស្បែក ឬចូលត្រចៀកកូន។ ចំណែកសត្វស្រាំង ឪម៉ាល់ ឬឃ្មុំ បើទិចលើក្មេងច្រើនទ្រនិច អាចឲ្យគ្រោះថ្នាក់ដល់ជីវិតក្មេង។
៣. សត្វល្មូនចឹក ឬខាំ
សត្វល្មូន ពិសេសសត្វពស់ ក្អែប ខ្ទួយ ជាសត្វអាសិរពិស ដែលសត្វទាំងនោះក៏សម្បូរនៅខែទឹកឡើង ដោយសារតែពួកវារត់គេចពីទឹកជំនន់។ សត្វទាំងប៉ុន្មាននេះបើកាលណាខាំក្មេងហើយ អាចនឹងគ្រោះថ្នាក់ដល់ជីវិតដោយសារពិសរបស់វា។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ
- Share This Post:
អត្តបទទាក់ទង
-
សុខភាពរោគសញ្ញា ១០ យ៉ាង បង្ហាញថាយើងកំពុងខ្វះវីតាមីន C
December 4, 2021
-
សុខភាពតើការទទួលទានកាហ្វេច្រើន នឹងអោយវិវត្តន៏ជាជំងឺទឹកនោមផ្អែមប្រភេទទី២ទេ? (ពន្យល់ដោយលោកវេជ្ជបណ្ឌិត អុឹង បញ្ញារិទ្ធ)
October 10, 2021
-
សុខភាពស្រីៗមានផ្ទៃពោះ ចង់ញ៉ាំទុរេន ត្រូវដឹងរឿងទាំងនេះសិន!
January 25, 2021
-
សុខភាពចំណីអាហារមានដាក់សារធាតុបូរ៉ាក់ ញ៉ាំទៅប៉ះពាល់អីខ្លះ?
January 16, 2021