Royal Enfield Continental GT 650 ដាក់លក់លើទីផ្សារ ដើម្បីប្រជែងជាមួយម៉ូតូ Triumph Street Cup និង Kawasaki W800

តើយើងនឹងមានអ្វីមកបង្ហាញ?

Royal Enfield Continental GT 650 ជាម៉ូតូមួយក្នុងចំនោមកូនភ្លោះ 650 ដែល Royal Enfield បាននាំយកមកលក់នៅលើទីផ្សារ ដើម្បីប្រជែងជាមួយម៉ូតូ Triumph Street Cup និង Kawasaki W800 ។ វាជាបងប្អូនរបស់ម៉ូដែល Interceptor 650 ដែលជាម៉ូតូធន់មធ្យមប្រណីតមួយ ផ្ដល់នូវអារម្មណ៍ doobielicious ពីទសវត្សរ៍៦០ក្នុងរដ្ឋកាលីហ្វ័រញ៉ា ដែលនេះគឺត្រូវអរគុណដល់ធុងសាំងរាងដូចដំណក់ទឹក, កែបជាប់គ្នាហើយវែង និងដៃកាន់ទាំងសងខាងរបស់វា។ ម៉ូតូដែលមើលទៅស្អាត និងងាយស្រួលជិះ ដែលបានដណ្តើមយកទីផ្សារយ៉ាងឆាប់រហ័សមួយនេះ បានក្លាយជាម៉ូតូដែលលក់ដាច់បំផុតនៅចក្រភពអង់គ្លេស។ ហេតុអ្វី? ដោយសារតែវាផ្តល់នូវការសន្សំសំចៃដល់ការចំណាយរបស់អ្នក ដោយមានតម្លៃចាប់ផ្តើមពី ៥,៧០០ផោន ប៉ុណ្ណោះ។ ពោលគឺវាជាម៉ូតូប្រណីតមួយ ដែលមានតម្លៃក្រោម ៦,០០០ផោន ក្នុងប្រភេទថ្នាក់ដូចគ្នានេះ។

ដូច្នេះតើ Continental GT ខុសគេយ៉ាងដូចម្តេច?

គឺមើលទៅសង្ហារ! ការពិតទៅគឺទាំង Interceptor និង Continental គឺមានលក្ខណៈមេកានិចដូចគ្នាស្ទើរតែគ្រប់កន្លែងទាំងអស់។ ពួកគេទាំង ២ មានបំពាក់ម៉ាស៊ីនភ្លោះស្របគ្នាកម្លាំង 650cc ភ្ជាប់ជាមួយកង្ហារ (air-cooled 650 parallel twin)។ វាមិនមានថាមពលឬកម្លាំងបង្វិលជុំច្រើនទេ ប៉ុន្តែនេះក៏មិនមែនជាចំណុចសំខាន់ដែរ។ នៅក្នុងយុគសម័យមួយនេះ សមត្ថភាពនេះគឺវាសមល្មមសម្រាប់សេណារីយ៉ូទាំងអស់ ហើយវាមានន័យថាគ្រប់គ្រាន់សម្រាប់អ្នកប្រើប្រាស់។ ប៉ុន្តែភាពខុសគ្នាសំខាន់រវាងម៉ូតូទាំង ២ គឺថា Continental ថ្មីគឺជាប្រភេទម៉ូតូ Café ដែលទាញអារម្មណ៍អ្នកឱ្យនឹកដល់ Continental GT 250 ពីទសវត្សរ៍៦០។

វាបានជំនួសដៃកាន់ធំទូលាយទៅជាដៃកាន់ដែលមានខ្ទាស់ clip-ons, ប្ដូររូបរាងធុងសាំង, ប្ដូរកែបវែងភ្ជាប់គ្នាដូចកៅអី ទៅជាប្រភេទកែបតែមួយ (កែបអាចប្ដូរវិញបានប្រសិនបើអ្នកចង់មានគ្នាជិះនៅខាងក្រោយ) និងរើឈ្នាន់ថយទៅខាងក្រោយ។ ការផ្លាស់ប្តូរបន្តិចបន្តួចដែលធ្វើឱ្យមានភាពខុសប្លែកគ្នាយ៉ាងខ្លាំងនេះ មិនមែនគ្រាន់តែមើលទៅឱ្យខុសគ្នានោះទេ ប៉ុន្តែថែមទាំងផ្ដល់នូវរបៀបជិះខុសគ្នាផងដែរ។

ខណៈដែលអ្នកត្រូវបង្ខំឱ្យមានការផ្ដោតអារម្មណ៍ខ្ពស់នៅពេលជិះ Interceptor អ្នកត្រូវការងើយមុខឡើង ស្មាទាំងសងខាងទប់លំនឹង ការគិតរបស់អ្នកត្រូវនៅជាមួយម៉ូតូខ្លាំងជាងមុន។ ប៉ុន្តែអស្ចារ្យណាស់ Continental វាមិនពិបាកជិះជាង Interceptor នោះទេ។ ជាធម្មតាការជិះម៉ូតូ Café ធ្វើឱ្យកដៃនិងត្រគាករបស់អ្នកមានសម្ពាធយ៉ាងខ្លាំង។ ប៉ុន្តែមានពេលមួយនោះ ម៉ូតូរបស់យើងអាចជិះបានចម្ងាយជាង ២,០០០ ម៉ាយល៍ ក្នុងរយៈពេលក្រោម ២ សប្តាហ៍នៃការជិះ ហើយមិនមានបញ្ហាអ្វីនោះទេ។ ដូច្នេះជាមួយ Royal Enfield យើងលះបង់ដើម្បីអតិថិជន។

ឈប់! តើ Royal Enfield ជានរណា? ពួកគេស្តាប់ទៅដូចឈ្មោះស្ដេចណាស់។

ខណៈដែលយីហោចាស់ៗបាត់ទៅវិញតាមពេលវេលា ប៉ុន្តែមិនមានក្រុមហ៊ុនណានៅឈរជើងរឹងមាំដូច Royal Enfield នោះទេ បើយើងនិយាយពីឥទ្ធិពលក្រុមហ៊ុនជើងចាស់។ ដោយបានផលិតម៉ូតូលើកដំបូងនៅឆ្នាំ១៩០១ វាជាយីហោម៉ូតូចាស់ជាងគេដែលនៅឈរជើងដល់សព្វថ្ងៃ។ គិតចាប់តាំងពីឆ្នាំ១៩៥៥ ក្រុមហ៊ុនបានផ្លាស់ប្តូរផលិតកម្មពីចក្រភពអង់គ្លេសទៅប្រទេសឥណ្ឌា ដែលទីនោះជាកន្លែងដែលយីហោបន្ដឈរជើងរហូតមក; ហើយជាការពិតណាស់ នៅឥណ្ឌាមានម៉ូតូរបស់ Royal Enfield ជាង៣លានគ្រឿង។ ហើយជាលើកដំបូងចាប់តាំងពីឆ្នាំ១៩៧០ Royal Enfield បាននាំយកមកនូវម៉ូតូប្រភេទស៊ីឡាំងភ្លោះត្រឡប់មកវិញ ដើម្បីទាក់ទាញអតិថិជនអន្តរជាតិឱ្យកាន់តែច្រើន។ ដូច្នេះហើយទើបយើងមាន Continental GT និង Interceptor។

ចុះមានអារម្មណ៍បែបណានៅពេលជិះវា?

ងាយស្រួលជិះបំផុត! ម៉ូតូគឺមិនធ្ងន់ពេក ជាមួយឧបករណ៍បញ្ជាស្រាល និងកៅអីមានផាសុខភាព, អ្នកអង្គុយនៅទីតាំងដែលមិនធ្វើឱ្យអ្នកពិបាកបញ្ជាលើម៉ូតូ ដូច្នេះអ្នកមានអារម្មណ៍ជឿជាក់នៅពេលអ្នកពន្លត់ម៉ាស៊ីន។ កន្លែងដែលអ្នកនឹងខកចិត្ត គឺសំឡេងរំខានរបស់វា។ ប៉ុន្តែកុំបារម្ភឥឡូវនេះប្រដាប់កាត់បន្ថយសំឡេងជាច្រើននៅលើទីផ្សារ ដើម្បីដោះស្រាយបញ្ហានេះ។

ម៉ាស៊ីន ភ្លោះ៤ វគ្គ ប្រព័ន្ធកង្ហារ និងស្អំប្រេងម៉ាស៊ីន គឺដើរបានរលូនល្អ ដែលនេះគឺត្រូវអរគុណដល់ស្តុងបង្វិល 270 ដឺក្រេរបស់ម៉ូតូ។ ហើយជាមួយនឹងកម្លាំង 47bhp និងកម្លាំងបង្វិល 32lb-ft វាចាប់កម្រិត RPM ទាប ហើយបញ្ជូនទៅវិញជាមួយកម្លាំង 2,500rpm តាមរយៈប្រអប់លេខ៦វគ្គ (ដំបូងគេសម្រាប់ Royal Enfield) ។ លេខទាំង ៣ ចុងក្រោយរបស់វា គឺមានអារម្មណ៍ថាមិនមានអ្វីខុសប្លែកគ្នានោះទេ ប៉ុន្តែវាមិនជាបញ្ហានោះទេ ព្រោះអ្នកនៅតែប្រើវាដដែល ព្រោះវាបន្ថែមស្រទាប់នៃទំនាក់ទំនងនិងភាពសប្បាយរីករាយ នៅក្នុងឧស្សាហកម្មយានយន្តដែលកំពុងបោះបង់វាចោល។ ការចែកចាយលីនេអ៊ែររបស់ម៉ាស៊ីន គឺមានរហូតដល់បន្ទាត់ក្រហមខ្ទង់ 7,000rpm ប៉ុន្តែគួរឱ្យស្ដាយ យ៉ាងណាវាមិនខ្លាំងដូចដែលនិយាយនោះទេ នៅពេលដែលអ្នកជិះវា។

ទោះបីជាការិយាល័យកណ្តាល Royal Enfield ស្ថិតនៅក្នុងទីក្រុង Chennai ក៏ដោយក៏ Interceptor និង Continental GT ត្រូវបានបង្កើតឡើងនៅឯមជ្ឈមណ្ឌលបច្ចេកវិទ្យាថ្មីរបស់ខ្លួន នៅចំណតរថយន្តដ៏ល្បីគឺ JLR ក្នុងព្រលាន Bruntingthorpe Aerodrome នៅចក្រភពអង់គ្លេស។ និយាយអីចឹង ប្រព័ន្ធទ្ររបស់ម៉ូតូនេះគឺងាយស្រួលមែនទែន។ ឥឡូវនេះយើងប្រហែលជាមានផ្លូវគ្រលុកដូចប្រទេសឥណ្ឌាដែរ ប៉ុន្តែនៅក្នុងចក្រភពអង់គ្លេសយើងមានទំនោរជិះល្បឿនលឿន ដូច្នេះនៅលើ Interceptor ប្រព័ន្ធទ្រពីកង់ទៅម៉ូតូនឹងជល់គ្នា។ ជាសំណាងល្អផលិតផលរបស់ ByBre brakes គឺធ្វើការបានល្អគ្រប់គ្រាន់ក្នុងការបន្ថយល្បឿន ដើម្បីឱ្យវាងាយស្រួយគ្រប់គ្រងវិញ ខណៈដែលកង់ម៉ូតូប្រភេទ Pirelli Phantom Sportcomp ធ្វើការស៊ីគ្នាជាមួយម៉ូតូបែបនេះ ដូច្នេះអ្នកអាចចាប់ផ្តើមជិះនិងកម្សាន្តជាមួយម៉ូតូយ៉ាងជឿជាក់។

អីឡូវនេះយើងមកនិយាយពីរូបរាងវិញម្ដង ហើយតាមមើលទៅមនុស្សគ្រប់គ្នានៅតាមផ្លូវក៏គិតដូចគ្នា។ មិនថាកន្លែងណាដែលអ្នកបានឈប់នោះទេ នឹងមាននរណាម្នាក់ចង់ជជែកជាមួយអ្នកអំពីវាមិនខាន។ វាជាម៉ូតូដែលសមសួនបំផុត ហើយសូម្បីតែគ្រឿងម៉ាស៊ីនរបស់វា។ ការរចនារបស់វាគឺ classic ទាក់ទាញអ្នកចង់ឃើញ និងចង់ដឹងព័ត៌មានលម្អិតទាំងអស់។ ដំបូងអ្នកប្រាកដជាចាប់អារម្មណ៍ធុងសាំងរបស់វា ប៉ុន្តែភ្នែករបស់អ្នកនឹងបន្ដចង់ដឹងពីម៉ាស៊ីន 648cc នៅខាងក្រោម មុនពេលដែលអ្នកសម្លឹងទៅមើលបំពង់ស៊ីមាំង V-shape របស់វា។ វាមើលទៅសាមញ្ញ ស្រស់ស្អាត ប្រសិទ្ធភាពខ្ពស់ និងមើលមិនសាំភ្នែក។

វាមានតម្លៃចាប់ផ្តើមពី ៥,៧០០ផោន (ហើយឡើងដល់ជាង ៦,០០០ផោន ប្រសិនបើអ្នកចង់បានការលាបពណ៌នៅលើធុងសាំងរបស់អ្នក) វាមានការប្រកួតប្រជែងខ្លាំង គួរឱ្យកត់សម្គាល់ខ្លាំងដូច Triumph និង Harley -Davidson ។ ចំពោះ hardware និងផ្នែកអេឡិចត្រូនិក (អ្នកទទួលបានប្រព័ន្ធ ABS ដែលបង្កើនភាពងាយស្រួលដល់អ្នក) ប្រហែលជាមិនមានលក្ខណៈពិសេសដូចដៃគូប្រកួតប្រជែងនោះទេ ប៉ុន្តែវាជាអ្វីដែលអ្នកត្រូវការនៅពេលដែលអ្នកមិនសូវប្រយ័ត្នចំពោះល្បឿន។ លើសពីនេះទៅទៀត វាមិនមានម៉ូតូដែលមានតម្លៃសមរម្យជាងនេះទៀតទេ សម្រាប់ប្រភេទស៊ីឡាំងភ្លោះ និងមានលក្ខណៈបែបប្រពៃណីបែបនេះ។ វាជាប្រភេទម៉ូតូតម្លៃធូរថ្លៃធៀបនឹងថ្នាក់ដូចគ្នា ដែលអាចឱ្យអ្នកសល់លុយគ្រប់គ្រាន់ក្នុងការដំឡើងម៉ាស៊ីនបន្ថែម ហើយនេះជាអ្វីដែលយើងគ្រប់គ្នាចង់បាន៕