ឃើញហើយស្រៀវតែម្តង! រថយន្តធុនធំ២គ្រឿងបើកកៀរគ្នាពេញផ្លូវយ៉ាងព្រហើន មិនខ្លាចបង្កគ្រោះថ្នាក់ដល់អ្នកដំណើរដទៃ (មានវីដេអូ)

រាជធានីភ្នំពេញ៖ កាលពីពេលថ្មីនេះៗមានការចែកចាយតគ្នាជាច្រើននៅក្នុងបណ្ដាញសង្គមហ្វេសប៊ុក ដែលបង្ហាញពីសកម្មភាពតៃកុងបើករថយន្តធន់ធំ២គ្រឿងបានបើកបរកៀរគ្នាពេញផ្លូវ ថែមទាំងយកដុំថ្មគប់គ្នាថែមទៀតផង។ ហេតុការណ៍នេះបានកើតឡើងនៅថ្ងៃទី២៥ ខែវិច្ឆិកា ឆ្នាំ២០២០ ផ្លូវលីយ៉ុងផាត់ ស្ថិតនៅក្នុង​សង្កាត់​ព្រែក​តាសេក ខណ្ឌ​ជ្រោយចង្វារ រាជធានី​ភ្នំពេញ។

ប្រជាពលរដ្ឋបានសំណូមពរឲ្យសមត្ថកិច្ចធ្វើការឃាត់តៃកុងរថយន្តនោះយកមកព្រមាន និងធ្វើការអប់រំ ដើម្បីកុំឲ្យប្រព្រឹត្តទង្វើបែបនេះទៀត ព្រោះវាបង្កគ្រោះថ្នាក់ខ្លាំងណាស់ដល់អ្នកធ្វើដំណើរតាមដងផ្លូវ៕