ក្រុមហ៊ុន Samsung នឹងបំពាក់បច្ចេកវិទ្យាកាន់តែទំនើបនៅក្នុង Galaxy S10 ដើម្បីអបអរគម្រប់ខួប១០ឆ្នាំរបស់ត្រកូល Galaxy S

ឆ្នាំក្រោយនេះគឺជាគំរប់ខួប១០ឆ្នាំស្មាតហ្វូនត្រកូល Galaxy S របស់ក្រុមហ៊ុន Samsung ហើយក្រុមហ៊ុនក៏គ្រោងនឹងរៀបចំផ្លាស់ប្តូរស្មាតហ្វូននោះឲ្យពិសេសផងដែរ។ យោងតាមអ្នកជំនាញខាងឧស្សាហកម្មមកពីកូរ៉េខាងត្បូងបានឲ្យដឹងថា Galaxy S10 នឹងមានបីម៉ូដែល មានទំហំអេក្រង់ពីរផ្សេងគ្នាផងដែរ។

យោងតាមប្រភពព័ត៌មានបានឲ្យដឹងថា Galaxy S10 នឹងមានចំនួន៣ម៉ូដែលផ្សេងៗគ្នា ដែលម៉ូដែលទី១ មានកាមេរ៉ា១គ្រាប់ អេក្រង់ 5.8 អ៊ីញ និងមិនមានគែមអេក្រង់កោង ចំណែកឯម៉ូដែលទី២ មានទំហំអេក្រង់ដូចម៉ូដែលទី១ ប៉ុន្តែមានគែមអេក្រង់កោង ជាមួយកញ្ចក់ Infinity Display និងមានកាមេរ៉ា២គ្រាប់។ រីឯម៉ូដែលទី៣ មានបង្កប់បច្ចេកវិទ្យាស្គែនក្រយ៉ៅដៃក្នុងអេក្រង់ និងកាមេរ៉ារហូតដល់ទៅ៣គ្រាប់៕

អត្ថបទ៖ ឌី
ប្រភព៖ gsmarena