ខ្លាំងប៉ះខ្លាំង តើនរណានឹងឈ្នះរង្វាន់ធំ?

បួនសប្តាហ៍កន្លងមកហើយ ដែលកម្មវិធី Freshy Winner បានរកឃើញជើងខ្លាំងប្រចាំសប្តាហ៍នីមួយៗ។ នៅសប្តាហ៍នេះជើងខ្លាំងទាំងបួននឹងត្រូវមកប៉ះគ្នា ដើម្បីស្វែងរកជើងខ្លាំងពិតប្រាកដ។ ជើងខ្លាំងប្រចាំសប្តាហ៍នីមួយៗដែលបានបំបាក់ដៃគូប្រកួតមាន កញ្ញា មុន្នី ពិសី កញ្ញា សុភ័ក្ត្រកុសាមា កញ្ញា ដារីហ្សា និង លោក ផានិត ។ សប្តាហ៍ទីប្រាំមិនមែនជាសប្តាហ៍ងាយស្រួលឡើយ ដោយអ្នកទាំងបួនត្រូវតែមានភាពឈ្លាសវៃ រហ័សរហួន និងយល់ពីវិញ្ញាសានីមួយៗអោយបានច្បាស់ ដើម្បីពន្យល់ទៅកាន់ដៃគូរបស់ខ្លួន។ ប៉ុន្តែទន្ទឹមនឹងភាពលំបាកពីការលេងហ្គេម ទាំងបួននាក់ក៏បានផ្តល់ភាពសប្បាយរីករាយផងដែរ តាមរយៈកាយវិការកំប្លែងផ្សេងៗ ដែលនឹងធ្វើអោយទស្សនិកជនបានសើចសប្បាយរយៈពេលមួយម៉ោងពេញតែម្តង។

សូមបញ្ជាក់ដែរថា សប្តាហ៍ទីប្រាំនេះក៏ជាសប្តាហ៍ដ៏ក្តៅគគុកមួយ ដែលតម្រូវអោយអ្នកឈ្នះទាំងបួនសប្តាហ៍មកប្រជែងគ្នា ដើម្បីអាចឈានទៅលេងនៅវគ្គផ្តាច់ព្រ័ត្រដណ្តើមទឹកប្រាក់ដប់លានរៀល ប្រសិនបើនរណាម្នាក់អាចបំបាក់ដៃគូរបស់ខ្លួនក្នុងវគ្គនីមួយៗ និងអាចឈ្នះនៅវគ្គចុងក្រោយនៃកម្មវិធី។ ចង់ដឹងថា តើនរណាមានសំណាងអាចទៅលេងនៅវគ្គចុងក្រោយនៃកម្មវិធី? តើអ្នកឈ្នះអាចក្រសោបទឹកប្រាក់ដប់លានរៀលត្រឡប់ទៅវិញឬក៏យ៉ាងណា? កុំភ្លេចរង់ចាំតាមដានទស្សនាកម្មវិធី Freshy Winner នៅថ្ងៃសៅរ៍ ទី៩ ខែមករា ឆ្នាំ២០២១ វេលាម៉ោង ៧:០០យប់តទៅ នៅលើកញ្ចក់ទូរទស្សន៍ ភីអិនអិន ៕

នាំមកជូនជាពិសេសផ្តាច់មុខដោយ ទឹកផ្លែឈើ Freshy ពីផ្លែឈើពិត១០០%
ទស្សនាវីដេអូសូមចុច៖ https://fb.watch/2TtLqu1aRx/