ឧកញ៉ា ឡេង ណាវ៉ាត្រា បើកក្រុមហ៊ុនចម្រៀងថ្មីមួយទៀតហើយ គឺ Galaxy Navatra International ត្រៀមចេញបទដំបូងនៅថ្ងៃទី២២ នេះ

Galaxy navatra international ដែលជាផ្នែកមួយរបស់ផលិតកម្ម Galaxy navatra គ្រោងចេញបទចម្រៀងរបស់ខ្លួនហើយ នៅថ្ងៃទី ២២ ខែមករា ឆ្នាំ២០២១ ខាងមុខនេះ ។ បើតាមការបង្ហើបពីលោក យឹម តាស្រង់ អ្នកចាត់ការទូទៅរបស់ ផលិតកម្ម Galaxy navatra បានឲ្យដឹងថា បទចម្រៀង រួមទាំងតារាចម្រៀងដែលនឹងបើកទំព័រជាប្រវត្តិសាស្ត្រមុនគេលើ Galaxy Navatra International គឺ Tempo Tris ដោយលោក Tempo Tris ជាអ្នកនិពន្ធនឹងជាអ្នកច្រៀងដោយផ្ទាល់តែម្ដង ហើយបទនោះ មានចំណងជើងថា «Bad Boy» ដែលដឹកនាំសម្ដែង Rawyer ព្រមទាំងក្រុមការងារជាច្រើនទៀត។

លោក យឹម តាស្រង់ បានបន្ថែមឲ្យដឹងទៀតថា គោលដៅចម្បងនៃការបង្កើតផលិតកម្មថ្មីនេះ ដើម្បីអភិវឌ្ឍន៍សិល្បៈនៃចម្រៀងសម័យរបស់កម្ពុជា ដើម្បីដើរចូលទីផ្សារបរទេស។ ដើម្បីឲ្យមានគុណភាពរាល់បទចម្រៀងនីមួយៗ គ្រប់បទចម្រៀង សុទ្ធតែ សម្រិតសម្រាំងនៃការថតជាខ្លាំង ក្នុងនោះដែរបទខ្លះក្រុមហ៊ុនហ៊ានចំណាយដល់ទៅរាប់ម៉ឺនដុល្លារឯណោះ។ ដូច្នេះមុនស្ដាប់បទចម្រៀងប្រិយមិត្តអាចមើលរូបភាពត្រួសៗ ដែលត្រៀមចេញនៅថ្ងៃទី២២ ខាងមុខនេះ៕