អ្នកខ្លះទិញស្មាតហ្វូនមួយគ្រឿងប្រើហើយ គឺមិនចេះដូរស៊េរីឡើយ ពោលគឺប្រើរហូត រាប់ឆ្នាំទាល់តែដាំខ្ទឹមតែម្ដង។ ដោយឡែក ជាមួយនឹងការអភិវឌ្ឍនៃបច្ចេកវិទ្យា ស្មាតហ្វូន Android ចាស់ៗប្រាកដជាមិនអាចដំណើរការបានលឿន និងចាប់យកកម្មវិធីថ្មីៗបានទៀតទេ លើសពីនេះទៅទៀត ទោះយកទៅលក់ក៏គេមិនទិញដែរ។ ដូចនេះ អ្នកអាចធ្វើតាមវិធីសាស្ត្រខាងក្រោមដើម្បីឲ្យស្មាតហ្វូនចាស់យ៉ាងណាក៏ដោយនៅតែមានប្រយោជន៍។

1/ បរិច្ចាកក្នុងកម្មវិធីសប្បុរសធម៌

ពាក្យថាបរិច្ចាកមួយម៉ាត់ គឺអ្វីក៏គេយកដែរ។ ដូចនេះប្រសិនបើអ្នកគិតថា ស្មាតហ្វូនដែលកំពុងប្រើរាល់ថ្ងៃគឺចាស់ហើយ ល្មមដល់ពេលដូរហើយ នោះអ្នកអាចផ្ដល់ឲ្យអ្នកផ្សេងដែលកំពុងស្ថិតក្នុងតម្រូវការបាន។

2/ ប្រើប្រាស់ជាឧបករណ៍ចាក់តន្ត្រី

មួយ ក្នុងចំណោមវិធីសាស្ត្រល្អៗដទៃទៀតក្នុងការប្រែក្លាយស្មាតហ្វូន Android ចាស់ៗឲ្យមានប្រយោជន៍ឡើងវិញ គឺឲ្យវាធ្វើការជាឧបករណ៍ចាក់តន្ត្រីដូចប្រភេទ MP3 Player ដែរ។ អ្វីដែលអ្នកត្រូវធ្វើ គឺគ្រាន់តែបញ្ចូលចម្រៀងឲ្យបានច្រើនក្នុងនោះ រួចភ្ជាប់វាទៅនឹង Speaker ដើម្បីចាក់តន្ត្រីកំដរអ្នកជាការស្រេច។

3/ ម៉ោងរោទ៍

ស្មាតហ្វូន Android ចាស់អាចនឹងដើរយឺត ប៉ុន្តែត្រឹមធ្វើជាម៉ោងរោទ៍ដើម្បីដាស់អ្នករាល់ព្រឹក គឺមិនជាបញ្ហាឡើយ។ មិនតែប៉ុណ្ណោះ អ្នកអាចទាញយកកម្មវិធីម៉ោងរោទ៍ផ្សេងៗទៀតដែលមានប្រយោជន៍ច្រើនដូចជាកម្មវិធីនេះជាដើម។ ចុចទីនេះដើម្បីទាញយក

4/ ម៉ូនីទ័រសម្រាប់ក្មេង

ប្រសិនបើអ្នកមានក្មេងៗ រឺកូនតូចៗ នោះអ្នកនឹងដឹងហើយថា ឧបករណ៍ក្មេងលេង និងជាពិសេសគឺម៉ូនីទ័រសម្រាប់ក្មេងមើលគឺមានតម្លៃថ្លៃប៉ុណ្ណា។ ប៉ុន្ដែ ជាមួយនឹងស្មាតហ្វូនចាស់ៗគឺអាចនិយាយបានថា Free សម្រាប់អ្នក ពោលគឺគ្រាន់តែទាញយកកម្មវិធីមួយចំនួនដើម្បីបញ្ចូលក្នុងស្មាតហ្វូន រួចបើកឲ្យក្មេងមើលជាការស្រេច។

5/ តេលេបញ្ជា

ស្មាតហ្វូនមួយចំនួន គឺមានភ្ជាប់មកជាមួយនឹងប្រព័ន្ធ infrared ដែលអាចឲ្យអ្នកបញ្ជាលើទូរទស្សន៍ Blu-Ray និងឧបករណ៍អេឡិចត្រូនិចផ្សេងៗទៀតបាន។ ដោយឡែក សម្រាប់ Google Play គឺមានកម្មវិធីតេលេបញ្ជានេះច្រើនណាស់ ហើយអ្នកទាញយកទៅប្រើប្រាស់បាន។

6/ កាមេរ៉ាសុវត្ថិភាព

អ្នកអាចនឹងមិនដឹងថា ស្មាតហ្វូន Android ចាស់ៗរបស់អ្នកអាចដើរតួជាកាមេរ៉ាសុវត្ថិភាពបាន។ កម្មវិធីមួយចំនួនដូចជា Manything អនុញ្ញាតឲ្យអ្នកចាប់យករូបភាពដែលថតចេញពីស្មាតហ្វូនចាស់ ទៅបង្ហាញលើស្មាតហ្វូនថ្មីបាន។ លើសពីេនះទៅទៀត កម្មវិធីនេះក៏អាចឲ្យអ្នកផ្ញើសារជាសម្លេងបានថែមទៀត ដើម្បីឲ្យសត្វចិញ្ចឹមមានអារម្មណ៍ថាកក់ក្ដៅ និងការពារចោរផងដែរ។

7/ Dash cam

កម្មវិធី Dash cam កំពុងទទួលបានការចាប់អារម្មណ៍ខ្លាំងក្នុងរយៈពេលប៉ុន្មានឆ្នាំចុងក្រោយនេះ ដោយវាមានសមត្ថភាពអាចតាមដានការធ្វើដំណើរអ្នក និងចាប់យករាល់សកម្មភាពគ្រោះថ្នាក់នានា។ ដូចនេះ លោកអ្នកអាចយកស្មាតហ្វូន Anroid ចាស់មកតម្លើងកម្មវិធីនេះបាន។

8/ Offline satnav

Maps គឺជាកម្មវិធីដ៏មានប្រយោជន៍បំផុតលើស្មាតហ្វូន។ ដោយឡែក អ្នកនឹងមិនត្រូវការអ៊ីនថឺណេតទេប្រសិនបើអ្នកចង់ប្រើវានៅលើស្មាតហ្វូនចាស់ ព្រោះ Google Maps អនុញ្ញាតឲ្យអ្នកទាញយកផែនទីក្នុងតំបន់ និងទទួលបានការបង្ហាញផ្លូវទៅកាន់ទៅតាំងដែលអ្នកចង់បាន។

Fu

ប្រភព៖ techadvisor