realme C25 ស្មាតហ្វូនលំដាប់មធ្យមនឹងបង្ហាញខ្លួននៅថ្ងៃ ២៣ មិនាខាងមុខនេះដែលបំពាក់មកជាមួយនឹងបន្ទះឈីប Helio G70 SOC និងមានកាមេរ៉ា 48 មេហ្គាភិចសែល

បន្ទាប់ពី realme C21 ដាក់បង្ហាញជាផ្លូវការកាលពីដើមខែមិនានេះ realme ក៏ត្រៀមដាក់បង្ហាញស្មាតហ្វូនត្រកូល C មួយម៉ូឌែលទៀតនៅថ្ងៃទី 23 មិនាខាងមុខនេះដោយមុនតែមួយថ្ងៃតែប៉ុណ្ណោះក្នុងការដាក់បង្ហាញ realme 8 Series។

ជាមួយនឹង realme C25 វាបានបំពាក់មកជាមួយនឹងបន្ទះឈីប Helio G70 SOC មានអេក្រង់ទំហំ 6.5 Inches កាមេរ៉ា selfie តំណក់ទឹក 8MP។ ហើយចំពោះកាមេរ៉ាខាងក្រោយវិញវាមានរហូតដល់ទៅ ៣គ្រាប់ មានទំហំ 48MP ដែលជាលែនដើម និងភ្ជាប់មកជាមួយនឹងសេនស័រស្កេនក្រយ៉ៅដៃនៅក្បែរនោះតែម្តង មានថាមពលថ្មទំហំ 6000mah ជាមួយនឹងសាកថ្ម 18W ផងដេរ។

តែអ្វីដែលជាក់ស្តែង realme C25 នឹងបង្ហាញខ្លួនជាផ្លូវការក្នុងពេលឆាប់ៗខាងមុខនេះ។

ប្រភព៖ GSMArena