Power Bank ដំបូងគេបង្អស់នៅកម្ពុជា អាចសាក ទូរស័ព្ទ កុំព្យូទ័រ និង ថេប្លេត សុវត្ថិភាពបំផុត

កាលពីពេលថ្មីនេះក្រុមហ៊ុន ហួវៃ បានបញ្ចេញលក់ជាផ្លូវការនូវ HUAWEI 66W SuperCharge Power Bank ស៊េរីថ្មី ដែលមានតម្លៃខ្ពស់ហក់រហូតដល់ទៅ $66 ប៉ុន្តែការដាក់លក់ក្នុងតម្លៃខ្ពស់បែបនេះ ត្រូវបានក្រុមហ៊ុនអះអាងថា ដោយសម្អាងលើ សមត្ថភាពខ្លាំងសម្បូរបែប និងលេចធ្លោជាងម៉ាកដទៃរួមមានអាច សាកទូរស័ព្ទ កុំព្យូទ័រ និង ថេប្លេត ក្នុងល្បឿនលឿនដូចហោះ 66W។

លោក ថង សារី នាយកផ្នែកទីផ្សារ ក្រុមហ៊ុន ហួវៃ ប្រចាំប្រទេសកម្ពុជាបានឲ្យដឹងថា វត្តមានផ្លូវការ HUAWEI 66W SuperCharge Power Bank ដែលមានតម្លៃថ្លៃបំផុត $66 នឹងចូលខ្លួនមកផ្តល់នូវបទពិសោធន៍ថ្មីសម្រាប់ប្រជាជនកម្ពុជារបស់យើងជាមួយនឹងបច្ចេកវិទ្យាទំនើបឈានមុខគេសម្បូរបែប សន្សំ សំចៃពេលវេលា និងថវិកា ជាពិសេស មិនចាំបាច់កាន់ខ្សែសាកថ្ម ទូរស័ព្ទផង កុំព្យូទ័រផង និង ថេប្លេតផង។

លោកបន្ថែមថា “និយាយរួមមានតែ HUAWEI 66W SuperCharge Power Bank តម្លៃ $66 ក្នុងដៃគឺគ្រប់ទឹកតែម្តង ចង់សាកអីក៏បាន ក្នុងល្បឿនលឿន មិនចាំបាច់រងចាំយូរ។ យើងរំពឹង និងជឿជាក់ថា HUAWEI 66W SuperCharge Power Bank ម៉ូដែលនេះ នឹងអង្រូនទីផ្សារប្រទេសកម្ពុជា និងជួយដណ្តើមចំណែកទីផ្សារថ្នាក់ខ្ពស់សម្រាប់ Power Bank និង កាសឥតខ្សែ នៅក្នុងប្រទេសកម្ពុជាយើង”។

Huawei 66W SuperCharge Power Bank ត្រូវបានក្រុមហ៊ុនហួវៃរចនាឡើងជាមួយនឹងរូបរាងតូចស្រាលទំងន់ត្រឹមតែ 235g ងាយស្រួលដាក់តាមខ្លួន បើប្រៀបធៀបជាមួយនឹង Power Bank ម៉ាកដទៃ ជាពិសេសបំពាក់នូវបច្ចេកវិទ្យាសាកថ្មលឿនដូចរន្ទះ 66W មានរន្ធសាកថ្មពីរគឺ ខ្សែ USB ធម្មតា & ខ្សែ USB Type C អាចសាក Laptop, ទូរស័ព្ទ ថេប្លេត នាឡិកា និង Speakers -ល-។ លើសពីនេះ Huawei 66W SuperCharge Power Bank ត្រូវបានទទួលស្គាល់ស្តង់ដារ គុណភាព សុវត្ថិភាពដោយ TÜV Rheinland របស់ប្រទេសអាល្លឺម៉ង់។

ដូច្នេះប្រសិនបើមិនទាន់បានជាវ Huawei 66W SuperCharge Power Bank តម្លៃខ្ពស់ជាង $66 ប្រើប្រាស់នៅឡើយទេ ប្រញាប់រួសរាន់ឡើងដើម្បីទទួលបាននូវបទសោធន៍ថ្មី និងភាពងាយស្រួលលើសពីការរំពឹងទុករបស់លោកអ្នក។