រដ្ឋមន្ត្រីទេសចរណ៍ ប្រគល់ប័ណ្ណសរសើរជូន អ្នកឧកញ៉ា ឡេង ណាវ៉ាត្រា ដែលបានផលិតបទចម្រៀងបង្ហាញពីតំបន់ទេសចរណ៍ជាច្រើននៅកម្ពុជា
សិល្បៈ March 29, 2021 Liny Chan

ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ បាន ប្រគល់ប័ណ្ណសរសើរជូនចំពោះអ្នកឧកញ៉ា ឡេង ភក្ត្រា (ឡេង ណាវ៉ាត្រា) អគ្គនាយកផលិតកម្ម Galaxy Navatra ដែលបាននិពន្ធ និងផលិតបទចម្រៀងជាច្រើនបង្ហាញអំពីតំបន់ទេសចរណ៍ធម្មជាតិ អេកូទេសចរណ៍ ទេសចរណ៍ជនបទ និងកសិទេសចរណ៍ ខណៈការចូលរួមទាំងអស់នេះ គឺពិតជាបានបង្ហាញ និងរំលេចនូវសិល្បៈប្រពៃណី ការរស់នៅ ពិធីបុណ្យ និងវប្បធម៌ដ៏ល្អផូរផង់របស់កម្ពុជា។

បទចម្រៀងរបស់ផលិតកម្ម Galaxy Navatra ដែលឯកឧត្ដមរដ្ឋមន្ត្រី ថោង ខុន ជក់ចិត្តជាងគេនោះ មានដូចជា បទ «អរគុណកាមេរ៉ា» បទ «រកស៉ីជាមួយយក្ស» បទ «ពេលណាជួបគ្នាម្ដងទៀត» បទ «នឹកឃើញខ្លាចឈ្លើង» បទ «ធ្លាប់បានបងនៅ» បទ «កោះអ្វី» បទ «ឡានទំនើប» បទ «ទឹកត្រីកោះកុង» រួមជាមួយបទចម្រៀងជាច្រើនទៀត ដែលសុទ្ធតែបង្ហាញអំពីតំបន់ទេសចរណ៍ធម្មជាតិ អេកូទេសចរណ៍ ទេសចរណ៍ជនបទ និងកសិទេសចរណ៍ជាដើម។

ឯកឧត្ដមរដ្ឋមន្ត្រីបានបញ្ជាក់ទៀតថា «កិច្ចការទាំងអស់នេះ ពិតជាបានរួមចំណែកយ៉ាងសំខាន់ក្នុងការផ្សព្វផ្សាយអំពីគោលដៅទេសចរណ៍ និងផលិតផលទេសចរណ៍ថ្មីៗ និងសម្បូរបែបរបស់កម្ពុជា ទៅដល់ភ្ញៀវទេសចរជាតិ និងអន្តរជាតិ ពិសេសរួមចំណែកក្នុងការបណ្ដុះគំនិតស្រលាញ់មាតុភូមិដ៏បវររបស់យើងទាំងអស់គ្នា»។

ខាងក្រោមនេះជាប័ណ្ណសរសើររបស់ក្រសួងទេសចរណ៍ជូនចំពោះអ្នកឧកញ៉ា ឡេង ភក្ត្រា (ឡេង ណាវ៉ាត្រា)៖
តោះ! ស្ដាប់ម្ដងទៀតនៅបទចម្រៀងទាំងនោះ ដែលក្រសួងទេសចរណ៍ជូនប័ណ្ណសរសើរ

ទី១/«អរគុណកាមេរ៉ា»

ទី២/បទ «រកស៉ីជាមួយយក្ស»

ទី៣/បទ «ពេលណាជួបគ្នាម្ដងទៀត»

ទី៤/បទ «នឹកឃើញខ្លាចឈ្លើង»

ទី៥/បទ «ធ្លាប់បានបងនៅ»

ទី៦/បទ «កោះអ្វី»

ទី៧/បទ «ឡានទំនើប»

ទី៨/បទ «ទឹកត្រីកោះកុង»