សាលាខណ្ឌទួលគោក បញ្ជាក់ថា រកឃើញបុរសម្នាក់ជាបុគ្គលិកក្រុមហ៊ុនរោងចក្រ ម៉េង អៀង វិជ្ជមានកូវីដ១៩

យោងតាមការបញ្ជាក់ពី សាលាខណ្ឌទួលគោក បានឲ្យដឹងថា នៅវេលាម៉ោង១៧និង៤០នាទីថ្ងៃទី០៤ ខែ០៤ ឆ្នាំ២០២១ ក្រុមគ្រូពេទ្យមន្ទីរពេទ្យបង្អែករាជធានី
នៃ មន្ទីរសុខាភិបាលរាជធានីភ្នំពេញ ដោយមានការសម្របសម្រួល ពី គណៈបញ្ជាការឯកភាពខណ្ឌ បានចុះមកយកអ្នកជំងឺ០១នាក់ ភេទប្រុស នៅចំណុចផ្ទះលេខ១០A ផ្លូវ៥២៨ ភូមិ២សង្កាត់បឹងកក់ទី១ខណ្ឌទួលគោក ។

អ្នកជំងឺឈ្មោះ ភោគ គង់ ភេទប្រុស អាយុ២៦ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនរោងចក្រម៉េង អៀង ស្នាក់នៅទីតាំងខាងលើ។ ចំពោះទីតាំង គណៈបញ្ជាការឯកភាពសម្រេចអោយបិទហាមចេញចូល ធ្វើចត្តាឡីនៅនឹងទីតាំងរងចាំក្រុមសុខាភិបាល ចុះមកយកសំណាក៕