ជូនដំណឹង! អ្នកជំងឺកូវីដ១៩​​ ចំនួន២នាក់ បានទៅទិញស្បៀងអាហារផ្សារទំនើប ឡាក់គី នៅផ្លូវជាតិលេខ៥, អ្នកធ្លាប់បានទៅទីនោះ សូមដាក់ខ្លួនដាច់ដោយឡែក និងតាមដានសុខភាព

រាជធានីភ្នំពេញ៖ យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានចេញសេចក្ដីជូនដំណឹងនៅថ្ងៃទី២៤ ខែមេសា ឆ្នាំ២០២១ សូមពាក់ម៉ាស់ រក្សារគម្លាត ឧស្សាហ៍លាងដៃ ពេលចេញក្រៅ​ និង សូមអំពាវនាវដល់ប្រជាពលរដ្ឋ ដែលបានទៅទិញស្បៀងអាហារនៅ ផ្សារទំនើប ឡាក់គី (Lucky Express) ផ្លូវជាតិលេខ៥ សង្កាត់ឬស្សីកែវ ខណ្ឌឬស្សីកែវ នៅថ្ងៃទី១៤​ ខែមេសា ឆ្នាំ២០២១ ចាប់ពីម៉ោង ១៨៖១៩នាទី ​ដល់ម៉ោង ១៩៖៣២នាទី ដោយមូលហេតុ៖ អ្នកជំងឺកូវីដ១៩​​ ចំនួន ០២នាក់ គឺបានកាន់ទីតាំងខាងលើនេះដើម្បីទិញស្បៀងអាហារ នៅថ្ងៃទី១៤ ខែមេសា ចាប់ពីម៉ោង១៨៖១៩នាទី ដល់ម៉ោង១៩៖៣២នាទី។

សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ សូមអរគុណ ៕

ប្រភព៖ អនុគណៈកម្មការស្រាវជ្រាវជំងឺកូវីដ១៩