ខេត្តកំពង់ចាម រកឃើញអ្នកវិជ្ជមានកូវីដ ចំនួន ២១នាក់ ក្នុងនោះ ១០នាក់ នៅស្រុកចំការលើ, ០៨នាក់ នៅស្រុកកងមាស, ០២នាក់នៅស្រុកបាធាយ និង០១នាក់ នៅស្រុកស្រីសន្ធរ
ខេត្តកំពង់ចាម៖ យោងតាមសារលិខិតរបស់ រដ្ឋបាលខេត្តកំពង់ចាម បានចេញសេចក្តីប្រកាសព័ត៌មានរបស់រដ្ឋបាលខេត្តស្តីពីករណីរកឃើញវិជ្ជមានកូវីដ-១៩ ចំនួន ២១នាក់ ក្នុងនោះមាន៖ ១០នាក់ នៅស្រុកចំការលើ, ០៨នាក់ រស់នៅស្រុកកងមាស, ០២នាក់នៅស្រុកបាធាយ និង០១នាក់ នៅស្រុកស្រីសន្ធរ ក្នុងថ្ងៃទី០២ ខែឧសភា ឆ្នាំ២០២១។
នៅថ្ងៃទី០២ ខែឧសភា ឆ្នាំ២០២១នេះ រដ្ឋបាលខេត្តកំពង់ចាម បានទទួលលទ្ធផលបញ្ជាក់ពីវិទ្យាស្ថានសុខភាពសាធារណៈពីករណីវិជ្ជមានកូវីដ-១៩ លើអ្នកទាំង២១នាក់ខាងលើ។ រដ្ឋបាលខេត្តកំពង់ចាម បានចាត់ឲ្យមន្ទីរសុខាភិបាលនៃរដ្ឋបាលខេត្ត បានបញ្ជូនអ្នកជំងឺមកសម្រាកព្យាបាលនៅមន្ទីរពេទ្យខេត្តកំពង់ចាម និងបន្តស្រាវជ្រាវរកអ្នកដែលប៉ះពាល់ដោយផ្ទាល់ និងដោយប្រយោល នឹងករណីនេះបន្ថែមទៀត។
អាស្រ័យដូចនេះ សូមបងប្អូនប្រជាពលរដ្ឋដែលរស់នៅភូមិ-ឃុំ ខាងលើ និងបងប្អូនកម្មករ-កម្មការិនី និងមិត្តភ័ក្ត្រដែលធ្លាប់ប្រាស្រ័យទាក់ទងនឹងអ្នកជំងឺ ត្រូវអនុវត្តឲ្យបាននូវវិធានការឲ្យបានខ្ជាប់ខ្ជួន ៕
សូមអានសារលិខិតរបស់ រដ្ឋបាលខេត្តកំពង់ចាម លម្អិតដូចខាងក្រោម៖
