រឿងរ៉ាវដ៏កក្រើកយ៉ាងខ្លាំងពេញបណ្តាញសង្គម Facebook និងសង្គមសិល្បៈដែលក្លាយជាប្រធានបទដែលគេលើកមកនិយាយយ៉ាងព្រោងព្រៀត ដោយអ្នកខ្លះបានធ្វើការកាន់ជើងមកអ្នកសិល្បៈ និងអ្នកខ្លះទៀតបាននិយាយបែបសើចចំអករហូតមើលងាយអ្នកសិល្បៈដែលជានារីភេទ រហូតធ្វើអោយតារាកំប្លែងល្បីឈ្មោះគឺអ្នកនាង ស្រេង សុកាន់ដា ហៅនាងខ្ញុង ទ្រាំមិនបាននិងបានបង្ហោះសារមួយឃ្លាថា៖

“អ្នកសិល្បៈមិនមែនជាស្រីលក់ខ្លួនទេសូមជ្រាប អស់លោកអ្នកមានឃ្លានតណ្ហាមួយចំនួនតូច អើយ សូមកុំប្រមាថនិងវាយតំលៃលើការតុបតែងខ្លួននឹងសម្ដីការនិយាយរបស់អ្នកសិល្បៈពេក
ជូនកាលឃើញគ្នាស្លៀកស៊ិចស៊ីបន្តិចក៏គិតថាគ្នាឲ្យដៃ ឃើញគ្នានិយាយលេងសើចជាមួយក៏គិតថាគ្នាឲ្យដៃ អ្នកត្រូវដឹងសិល្បៈគឺត្រូវមានគ្រប់ទម្រង់ការស្លៀកពាក់សំដីសំដៅនិយាយស្ដីតែមិនមែនជាស្រីសោភានី ខឹងណាស់ស្អប់ណាស់ មានរឿងចង់និយាយជាច្រើនតែនិយាយមិនអស់”