ក្រុមហ៊ុនស្មាតហ្វូនrealmeដែលជាប្រេនក្មេងខ្ចីបានប្តេជ្ញាចិត្តក្នុងកិច្ចប្រជុំកំពូល 5G កាលពីម្សិលមិញរបស់គេ ដោយនាំយកទូរស័ព្ទ 5G ទៅឲ្យយុវវ័យ១០០ លាននាក់ក្នុងរយៈពេល ៣ ឆ្នាំខាងមុខ ដោយមានការចូលរួមពីក្រុមហ៊ុនខាងបច្ចេកវិទ្យាលំដាប់កំពូលរួមមាន GSMA, Counterpoint, នឹង Qualcomm។ ក្នុងព្រឹត្តិការណ៍នោះផងដែរ realme ក៏បានបង្ហើបពីស្មាតហ្វូនសេរ៊ីថ្មីរបស់ខ្លួល GT seriesវាជាស្មាតហ្វូនលំដាប់ flagships គ្រងប្រកាសចេញនៅខែមិថុនារឺខែកក្កដាខាងមុខនេះ ក្នុងគំនិតផ្តួចផ្តើមរបស់ក្រុមហ៊ុនជាច្រើន ដើម្បីលើកកម្ពស់ការទទួលយក 5G នៅទូទាំងពិភពលោក។

ក្រោមប្រធាបទ“ បង្កើត 5G ជាសកលដើម្បីភាពងាយស្រួលសម្រាប់ទាំងអស់គ្នា” ក្នុងកិច្ចប្រជុំកំពូល 5G នេះបានប្រមូលផ្តុំអ្នកដឹកនាំមកពីក្រុមហ៊ុនខាងបច្ចេកវិទ្យា សមាគមឧស្សាហកម្ម ស្ថាប័នស្រាវជ្រាវ និងអ្នកផ្គត់ផ្គង់គ្រឿងបន្លាស់និងរោងចក្រដំឡើងទូរស័ព្ទជាដើម ដើម្បីចែករំលែកការយល់ដឹងរបស់ពួកគេលើប្រធានបទ 5G។ ក្នុងការតភ្ជាប់ 5G ជាសកលនាពេលបច្ចុប្បន្ន មានកម្លាំងជំរុញនៅពីក្រោយវានិងទិដ្ឋភាពបច្ចេកទេសដល់ការវិវត្តន៍ 5G ទំនាក់ទំនងពិសេសរវាង 5G និងក្មេងជំនាន់ក្រោយ និងវិធីដើម្បីជួយសម្រួលដល់ភាពងាយស្រួលនៃសេវាកម្ម 5G នាពេលអនាគត។

នៅក្នុងកិច្ចប្រជុំកំពូលនេះrealmeបានបញ្ជាក់ជាថ្មីនូវការប្តេជ្ញាចិត្តរបស់ខ្លួនដើម្បីក្លាយជា”អ្នកមានប្រជាប្រិយភាពនៃ 5G” និងបានចែករំលែកការសន្យាចុងក្រោយរបស់ខ្លួនក្នុងការជំរុញការប្រើប្រាស់ 5G នៅក្នុងទីផ្សារពិភពលោកនិងនាំយកបច្ចេកវិទ្យានេះទៅអ្នកប្រើប្រាស់នៅទូទាំងពិភពលោក។នៅឆ្នាំ2020 realme បានបញ្ចេញស្មាតហ្វូនចំនួន14សេរ៊ីដែលអាចប្រើ5Gបាននៅក្នុងទីផ្សារចំនួន 21 ដែលស្មើនឹងប្រមាណ 40% នៃផលិតផលទាំងអស់។នាឆ្នាំ2022 ក្រុមហ៊ុន realme មានគោលបំណងបង្កើនចំនួននៃការផ្តល់ 5G របស់ខ្លួនដល់ជាង 20សេរ៊ី ដោយបង្កើនសមាមាត្រដល់ 70% នៅលើ50ទីផ្សារ ហើយ realme ក៏គ្រោងនឹងនាំមុខគេក្នុងឧស្សាហកម្មនេះ ដោយបញ្ចេញស្មាតហ្វូន 5G ក្នុងតម្លៃ 100 ដុល្លារ ក្នុងរយៈពេលប៉ុន្មានឆ្នាំខាងមុខទៀតវាជាវិធានការមួយដែលត្រូវបានកំណត់ដើម្បីពន្លឿនការអនុម័ត 5G បន្ថែមទៀតជាពិសេសនៅតាមបណ្តាសេដ្ឋកិច្ចដែលកំពុងរីកចម្រើនយ៉ាងឆាប់រហ័ស។

លោក Madhav Shethជាអនុប្រធាននិងនាយកប្រតិបត្តិរបស់ realmeប្រចាំប្រទេសឥណ្ឌានិងអឺរ៉ុបបាននិយាយថា“ ចាប់ផ្តើមជាមួយនឹងស្មាតហ្វូនម៉ូឌែល 5G ដំបូងរបស់យើងគឺrealme X50 យើងបានស្វែងយល់ពីគំនិតរចនាថ្មីនិងការច្នៃប្រឌិតជាមួយបច្ចេកទេសទំនើបដើម្បីនាំឲ្យអ្នកប្រើប្រាស់នូវទូរស័ព្ទ 5G ដែលមានរាងសំប៉ែតដែលមានសមត្ថភាពខ្ពស់។យើងជឿជាក់ថានៅក្នុងយុគសម័យ 5G ការជួយពន្លឿនការអនុម័តបច្ចេកវិទ្យាថ្មីនេះគឺជាបេសកកម្មដ៏សំខាន់មួយសម្រាប់realme។យើងនឹងខិតខំជួយធ្វើឱ្យប្រព័ន្ធ 5G មានប្រជាប្រិយតាមរយៈការស្តាប់នូវតំរូវការរបស់អតិថិជនដើម្បីជំរុញការច្នៃប្រឌិតផលិតផលនិងជួយបង្កើតប្រព័ន្ធ 5G ឱ្យកាន់តែទូលំទូលាយជាមួយដៃគូឧស្សាហកម្មរបស់យើង“។

លោក Johnny Chen ជានាយកផ្នែក Branding របស់ realme បានបន្ថែមថា realme ជឿជាក់ថា 5G គឺសំរាប់យុវជនជំនាន់ក្រោយ ដែលកំពុងស្វែងរកវិធីដើម្បីភ្ជាប់អ៊ីនធីណែតលឿន ។ក្នុងនាមជាប្រេនដ៏ពេញនិយាមសំរាប់យុវវ័យ realme ព្យាយាមស្តាប់ដោយយកចិត្តទុកដាក់នូវអ្វីដែលពួកគេរំពឹងពីបច្ចេកវិទ្យា 5G និងធ្វើឱ្យពួកគេចូលរួមកាន់តែច្រើននៅក្នុងដំណើរការនៃការបង្កើតបទពិសោធន៍អ្នកប្រើ 5G កាន់តែប្រសើរ។ តាមរយៈឥទ្ធិពលរបស់ពួកគេ យើងសង្ឃឹមថាពួកគេអាចក្លាយជាអ្នកឈានមុខគេនៃការអនុម័ត 5G និងជួយដឹកនាំមនុស្សកាន់តែច្រើនទៅក្នុងយុគសម័យ 5G។

លោកKalvin Bahia ជាប្រធានសេដ្ឋវិទូនៃ GSMA Intelligence បានអត្ថាធិប្បាយថា“ នៅខែឧសភាឆ្នាំនេះប្រទេសចំនួន 60 នៅលើពិភពលោកបានបើកដំណើរការ 5G ដែលក្នុងនោះ មាន12 ទីផ្សារកំពុងរីកចម្រើនហើយភាគច្រើននៅអាស៊ី ខណៈពេលដែលកំណើននៃការគ្របដណ្ដប់ដោយប្រព័ន្ធ 5G កំពុងមានការលើកទឹកចិត្តពី GSMA បង្ហាញថាឧបសគ្គផ្សេងទៀតនៅតែមានសម្រាប់ការអនុម័តបច្ចេកវិទ្យាថ្មីយ៉ាងទូលំទូលាយឲ្យអ្នកប្រើប្រាប់ក៏ដូចជាលទ្ធភាពនៃឧបករណ៍មានកង្វះខ្វះខាតខ្លះ ព្រមទាំងជំនាញឌីជីថលនិងតម្លៃទិន្នន័យចល័ត។ ទោះយ៉ាងណាការផ្លាស់ប្តូរទៅ 5G គឺជៀសមិនរួចនៅទូទាំងពិភពលោក ហើយ 5G ត្រូវបានគេរំពឹងថានឹងនាំមកនូវទឹកប្រាក់ចំនួន 600 ពាន់លានដុល្លារដល់សេដ្ឋកិច្ចពិភពលោកក្នុងរយៈពេលមួយទសវត្សរ៍ខាងមុខ។

លោក Peter Richardsonជាអនុប្រធាននិងសហស្ថាបនិកក្រុមហ៊ុនស្រាវជ្រាវ Counterpoint យល់ស្របថា ការកើនឡើងនៃ 5G ពិតជាគួរឱ្យចាប់អារម្មណ៍ណាស់ ហើយការធ្លាក់ចុះយ៉ាងឆាប់រហ័សនៃតម្លៃស្មាតហ្វូនគឺជាកត្តាជំរុញមួយ លោកបានកត់សម្គាល់ថា“ នៅចុងឆ្នាំនេះយើងឃើញផលិតផល 5G ដែលមានការប្រកួតប្រជែងខ្ពស់ដែលផ្តល់ជូនក្នុងតម្លៃសមរម្យនៅក្នុងប្រទេសចិន ដូចជាស្មាតហ្វូន realme ដែលមានភាពស្វាហាប់បំផុតជាមួយនឹង V3 5G ដែលលក់ក្នុងតម្លៃប្រហែល 145 ដុល្លារ។ realme កំពុងជួយធ្វើឱ្យបច្ចេកវិទ្យាមានប្រជាប្រិយពាសពេញប្រទេសជាច្រើនជាមួយនឹងផលិតផលគួរឱ្យទាក់ទាញជាច្រើនដែលមានលក្ខណៈពិសេសអស្ចារ្យក្នុងតម្លៃសមរម្យគួរឱ្យភ្ញាក់ផ្អើល។

លោក Rajen Vagadia ជាអនុប្រធាន របស់ក្រុមហ៊ុន Qualcomm ប្រទេសឥណ្ឌានឹង SAARC បាននិយាយ ថា“ ការតំឡើងបន្ទះឈីប 5G ធ្វើអោយដំណើរការ ជាកំរិតគួរអោយកត់សំគាល់ដែលអាចអោយយើងធ្វើឱ្យប្រសើរឡើងនូវការផ្លាស់ប្តូរជំហានដែលយើងកំពុងមើលឃើញនៅក្នុងសមាសធាតុនិង hardware របស់ស្មាតហ្វូននាពេលបច្ចុប្បន្ន។ អ្វីដែលសំខាន់គឺយើងកំពុងផ្តល់ជូន 5G គ្រប់ថ្នាក់ទាំងអស់ដោយធានាថាវាអាច ដំណើរការបានយ៉ាងទូលំទូលាយនៅទូទាំងទីផ្សារកំពុងអភិវឌ្ឍន៍៕