កាលពីពេលថ្មីៗនេះមានអ្នកលេងបណ្ដាញសង្គមហ្វេសប៊ុកជាច្រើននាក់ បានសម្ដែងនូវការភ្ញាក់ផ្អើលយ៉ាងខ្លាំង បន្ទាប់ពីគណនីជនជាតិថៃម្នាក់ឈ្មោះថា Worachet Duangmakoed បានបង្ហោះរូបភាពមួយចំនួន ដែលបង្ហាញពីគម្រោងនៃការសាងសង់ប្រាសាទមួយនៅលើទឹកដីខេត្តបូរីរ៉ាមរបស់ប្រទេសថៃ មានលក្ខណៈស្រដៀងគ្នានឹងប្រាសាទអង្គវត្តរបស់ប្រទេសកម្ពុជា ។ រូបភាពទាំងនោះត្រូវបានបង្ហោះឡើងកាលពីថ្ងៃសុក្រ ទី០២ ខែកក្កដា ឆ្នាំ២០២១ កន្លងទៅថ្មីៗនេះ ដោយនៅក្នុងនោះរួមមានទាំងប្លង់ និងគំរូសម្រាប់ការសាងសង់ផងដែរ។

នៅមុននេះបន្តិចដែរ សិល្បៈការនីពហុជំនាញ គឺអ្នកនាង ខាត់ សុឃីម បានបង្ហោះសារមួយឃ្លា Mention ចំៗទៅកាន់ប្រទេសថៃ សូមឈប់បន្តចម្លងប្រាសាទអង្គរវត្តរបស់កម្ពុជាបន្តទៀតទៅ។ គួរបញ្ជាក់ផងដែរថានៅយប់ថ្ងៃទី៥ ខែកក្កដា ឆ្នាំ២០២១ លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានធ្វើការទាក់ទងទៅកាន់កុងស៊ុលកម្ពុជាប្រចាំនៅប្រទេសថៃ អោយធ្វើការស្រាវជ្រាវជុំវិញរឿងនេះផងដែរ៕