បងប្រុសម្នាក់ ទ្រាំមិនបានដាច់ចិត្ត រិះគន់ អ៉ឹម ជីវ៉ា ចំៗថាហេតុតែចង់ល្បីល្បាញ សុខចិត្តធ្វើរឿងមិនខ្វល់អំពីផលប៉ះពាល់ដល់សង្គម
សិល្បៈ September 15, 2021 Khmernote Media

លោក អ៉ឹម ជីវ៉ា ដែលជាតារាសម្តែងល្បីឈ្មោះមួយរូបហើយគេក៏ស្គាល់ថាលោកជាម្ចាស់ទំព័រ Facebook សិល្បៈករកម្ពុជា តែងចុះទៅធ្វើបទសម្ភាសន៍នានាជាមួយសិល្បៈករ សិល្បៈការនី និងអ្នកលេងបណ្តាញសង្គមផ្សេងៗដែលមានភាពល្បីឈ្មោះ រហូតមួយរយៈចុងក្រោយនេះរូបលោកក៏ទទួលបានការរិះគន់មិនតិចដែរ ក្រោយធ្វើបទសម្ភាសន៍មួយចំនួនហាក់មិនមានប្រយោជន៍ដល់សង្គមនិងវប្បធម៌។ ជាក់ស្តែងម្ចាស់គណនីហ្វេសប៊ុកម្នាក់ដែលមានឈ្មោះថា Son Sophy ក៏បានចេញមុខរិះគន់ខ្លាំងៗទៅលើលោក អ៉ឹម ជីវ៉ា ដោយលោករៀបរាប់ថា៖

“សុំរិះគន់ អ៉ឹម ជីវ៉ា បន្តិច! មិននិយាយគឺមិនបាន … ខ្ញុំក៏ជា អ្នកគាំទ្រ អ៉ឹម ជីវ៉ា ពីមុន ហើយក៏បានស្គាល់ ជីវ៉ាដែរ ! តែមួយរយៈក្រោយមកនេះ ឃើញថា ជីវ៉ា ហេតុតែចង់តោងការល្បី លើបណ្តាញសង្គម ហ្វេសប៊ុក មិនខ្វល់អំពីផលប៉ះពាល់ដល់សង្គម។ ឃើញថាព័ត៍មាន មួយចំនួន ដែល ជីវ៉ា យកមកផ្សព្វផ្សាយ និង លើកតម្លៃ ជា តារា នៅលើបណ្តាញសង្គម សុទ្ធតែជាបុគ្គល បំពុលសង្គម បុគ្គលអគតិ និង បុគ្គល បាតសង្គមជាដើម…។ ខ្ញុំយល់ថាបើ ជីវ៉ា ចង់លើកតម្លៃ ដល់សង្គម ជាតិ ក៏ដូចចង់បង្ហាញ នូវ សិល្បៈ និងវប្បធម៌ជាតិ ឲ្យកាន់តែប្រសើជាងនេះ គួរតែ លើកស្ទួយ វិស័យ វិចិត្រសិល្បៈ និង វប្បធម៌ល្អៗ ឲ្យមានស្តង់ដា មានការប្រកួតប្រជែង នៅលើវិស័យសិល្បៈ។ មិនមែនគ្រាន់តែល្បីឆ្កួតៗ ល្បីបំពុលសង្គម តាម TikTok មកឲ្យតម្លៃជា តារានោះទេ! បើយើងចេះតែបំផុសនិង ផ្សព្វផ្សាយព័ត៌មាន ឲ្យតម្លៃ ទៅលើបុគ្គល ឆ្កួតៗ បែកៗ នៅលើបណ្តាញសង្គមបែបនេះ វាមិនខុសអ្វី នឹង បង្ហាញអំពីភាព អាម៉ាស់ដល់សង្គមជាតិយើងនោះទេ! យើងគួរតែបង្ហោះអ្វីដែលចំណេញ ដល់សង្គមជាតិយើង ដែលប្រទេសជាតិ កំពុងស្ថិតក្នុងប្រទេសអភិវឌ្ឍ។ ចូរនាំគ្នាឲ្យតម្លៃ លើកស្ទួយ វប្បធម៌ និង សង្គមជាតិយើងទាំងអស់គ្នា ។” តើប្រិយមិត្តយល់យ៉ាងណាដែរ?